اقش-تىڭ بۇرىنعى پرەزيدەنتى دونالد ترامپ ۋكراينا-رەسەي سوعىسىنا قاتىستى پىكىر ءبىلدىرىپ، زەلەنسكي مەن بايدەندى سىنعا الدى. ونىڭ ايتۋىنشا، بۇل قاقتىعىس مۇلدە بولماۋى ءتيىس ەدى.
— “زەلەنسكي ءاردايىم زىمىران ساتىپ الۋدىڭ مۇمكىندىگىن ىزدەيدى. ەگەر سەن وزىڭنەن 20 ەسە ۇلكەن ەلمەن سوعىسۋدى باستاساڭ، الدىمەن جەڭەتىنىڭە سەنىمدى بولۋىڭ كەرەك. كەيىن ‘از-ماز زىمىران بەرىڭدەر’ دەپ ۇمىتتەنۋ — بۇل دۇرىس ءتاسىل ەمەس،” — دەدى ترامپ.
ول رەسەي مەن ۋكراينا اراسىنداعى داۋلى ماسەلەنى ءوزى شەشۋگە ۋادە ەتتى:
— “مەن پۋتينگە سوعىستى توقتاتۋ ءۇشىن دەدلاين قويامىن. ءبىز ۋكراينا مەن رەسەي ماسەلەسىن شەشەمىز،” — دەدى ول.
ترامپ سوعىستىڭ باستالۋىنا بىرنەشە تاراپتى كىنالادى:
— “بۇل سوعىستى بايدەن دە توقتاتا الاتىن ەدى. زەلەنسكي دە توقتاتا الاتىن ەدى. ال پۋتين مۇلدە باستاماۋى ءتيىس ەدى. سوندىقتان بارلىعى بەلگىلى ءبىر دەڭگەيدە كىنالى،” — دەدى ترامپ.
سونداي-اق، ول ۆلاديمير زەلەنسكيدىڭ قابىلەتىنە كۇمان كەلتىرىپ، ءوزارا كەلىسپەۋشىلىك بولعانىن دا جاسىرمادى:
— “زەلەنسكيدىڭ قانشالىقتى كومپەتەنتتى ەكەنىن بىلمەيمىن. ءبىز ونىمەن شەكىسىپ كوردىك. ءبىراق ول سۇراعان سايىن، ودان دا كوپ سۇراي بەردى،” — دەدى.
— “پۋتينگە كەلسەك، ەشكىم پەرىشتە ەمەس. ءبىراق مەنىڭ پرەزيدەنتتىگىمنىڭ ءتورت جىلىندا مۇنداي جاعداي بولعان جوق،” — دەپ ءسوزىن قورىتتى ترامپ.