امەريكا قۇراما شتاتتارىنىڭ پرەزيدەنتى دونالد ترامپ ۆاشينگتوندا سالىناتىن تريۋمف اركاسىن قارۋلى كۇشتەردىڭ مۇقتاجىنا بەيىمدەۋ تۋرالى شەشىم قابىلداعانىن مالىمدەدى. بۇل تۋرالى اق ءۇيدىڭ باسشىسى Truth Social الەۋمەتتىك جەلىسىندە جاريالادى، دەپ حابارلايدى infohub.kz سايتى.
امەريكا كوشباسشىسىنىڭ ايتۋىنشا، باستاما اسكەريلەردىڭ وزدەرىنەن شىققان. «اقش قارۋلى كۇشتەرىنىڭ شۇعىل سۇرانىسىمەن جانە ۇلتتىق قاۋىپسىزدىك ماقساتىندا مەن ازامات سوعىسى كەزىنەن جوسپارلانعان ۇلى تريۋمف اركاسىن جوعارى دەڭگەيلى اسكەري كەشەن / تريۋمف اركاسى ەتىپ قايتا جابدىقتاۋعا كەلىستىم»، — دەپ كەلتىرەدى ونىڭ ءسوزىن NUR.KZ.
ترامپ نىساندى جەدەل قولدانۋعا بولاتىن كوپتەگەن ۇشقىشسىز ۇشۋ اپپاراتتارىن ورنالاستىرۋ مەن ساقتاۋعا پايدالانۋ جوسپارلانعانىن ناقتىلادى. سونىمەن قاتار اركانىڭ توبەسىندە جانە ىرگەلەس الاڭدا مەرگەندەردى ورنالاستىرۋ، ال كەشەن ىشىندە مەرگەن قارۋىنا ارنالعان وق-دارىلەردى ساقتاۋ جوسپارلانۋدا.
«بۇل نىسانعا ۇقساس ەشتەڭە الەمنىڭ ەشبىر جەرىندە بولمايدى. ەڭ ۇلكەن 59 قالا مەن استانانىڭ ىشىندە ۆاشينگتون — الەمدە تريۋمف اركاسى جوق جالعىز قالا، ءبىراق ەندى ول پايدا بولادى جانە ءسوزسىز بارىنەن دە ۇلى بولادى!» — دەپ تۇيىندەدى اقش پرەزيدەنتى.