اقش-تىڭ بۇرىنعى پرەزيدەنتى دونالد ترامپ Truth Social الەۋمەتتىك جەلىسىندە وڭتۇستىك امەريكانىڭ كارتاسىن جاريالادى، وندا ۆەنەسۋەلا اقش-تىڭ 51ء-شى شتاتى رەتىندە بەلگىلەنگەن. كارتادا ەل اۋماعى امەريكاندىق تۋ تۇستەرىمەن بويالعان، ال قاسىندا «51st State» («51ء-شى شتات») دەگەن جازۋ بار. ساياساتكەر جاريالانىمعا ەشقانداي تۇسىنىكتەمە بەرمەگەن، دەپ حابارلايدى infohub.kz سايتى.
پوست الەۋمەتتىك جەلى قولدانۋشىلارىنىڭ نازارىن تەز اۋداردى. كەيبىرەۋلەر بۇل سۋرەتتى ءازىل رەتىندە قابىلداسا، باسقالارى ونى تاعى ءبىر ارانداتۋشىلىق جاريالانىم دەپ سانادى. ترامپتىڭ ءوزى كارتانىڭ ماعىناسىنا تۇسىنىكتەمە بەرمەگەندىكتەن، مۇنداي سۋرەتتىڭ پايدا بولۋ سەبەپتەرى تۇسىنىكسىز كۇيىندە قالدى.
ەسكە سالايىق، بۇعان دەيىن دونالد ترامپ يراننىڭ كارتاسىن امەريكاندىق تۋ تۇستەرىمەن كورسەتكەن ارانداتۋشىلىق پوست جاريالاعان بولاتىن. سونىمەن قاتار، «الفالفا» كلۋبىنىڭ بانكەتىندە ول گرەنلانديا مەن ۆەنەسۋەلانىڭ اقش قۇرامىنا كىرۋى مۇمكىن ەكەندىگى تۋرالى ازىلدەگەن.