امەريكا قۇراما شتاتتارىنىڭ پرەزيدەنتى دونالد ترامپ ۆەنەسۋەلا اۋماعىندا امەريكالىق اسكەري بازا پايدا بولۋى مۇمكىندىگىن جوققا شىعارمادى. ونىڭ ايتۋىنشا، بۇگىندە ەكى ەل اراسىندا قارىم-قاتىناس جاقسى، دەپ حابارلايدى infohub.kz سايتى.
اق ۇيدە جۋرناليستەر امەريكاندىق كوشباسشىعا ءتيىستى ساۋال قويدى: اقش ۆەنەسۋەلادا نەمەسە وڭتۇستىك امەريكادا اسكەري بازا سالۋ مۇمكىندىگىن قاراستىرىپ جاتىر ما.
«ءبىز ءتۇرلى ءىس جاساۋ مۇمكىندىگىن قاراستىرىپ جاتىرمىز. بىلەتىنىڭىزدەي، ءبىزدىڭ (ۆەنەسۋەلامەن — رەد.) قارىم-قاتىناسىمىز وتە جاقسى»، — دەپ كەلتىرەدى ونىڭ ءسوزىن ريا نوۆوستي.
اق ءۇي باسشىسى سونداي-اق ۆەنەسۋەلا تۇرعىندارى باقىتتى ەكەنىن، ءوزىنىڭ دە باقىتتى ەكەنىن مالىمدەدى.
ەسكە سالايىق، جاقىندا دونالد ترامپ ۆەنەسۋەلامەن «الەم تاريحىنداعى ەڭ ءىرى» مۇناي مامىلەسىن جاساسقانىن جاريالادى. كەيىنىرەك ۆەنەسۋەلانىڭ ۋاقىتشا پرەزيدەنتى دەلسي رودريگەس ۇلتقا ۇندەۋىندە اقش-پەن مۇناي كەلىسىمى اياسىندا ەلدىڭ تابىسى تۋرالى ايتتى.
مامىلە جاسالعاننان كەيىن ترامپ ۆەنەسۋەلالىق مۇناي اقش-تىڭ ستراتەگيالىق قورلارىن تولىقتىراتىنىن مالىمدەدى. ول مۇنى «امەريكالىق حالىققا سىي» دەپ اتادى.
سونداي-اق ترامپ بىرنەشە كۇن بۇرىن ۆەنەسۋەلانى باقىلاۋ ارقىلى اقش ۇلتتىق قورلارىن جاقىن ارادا تولتىراتىنىن ايتتى.