امەريكا قۇراما شتاتتارىنىڭ پرەزيدەنتى دونالد ترامپ ۆلاديمير زەلەنسكي مەن ۆلاديمير ءپۋتيندى كەلىسىمگە كەلۋگە شاقىردى. ونىڭ ايتۋىنشا، تاراپتار قاتتى سۋىق تۇسكەنشە ۋاعدالاسا الادى، دەپ حابارلايدى infohub.kz سايتى.
«زەلەنسكيدەن نەنى قالايتىنىمدى بىلەسىزدەر مە؟ ول كەلىسىم جاساسىن دەپ قالايمىن. ول پۋتينمەن، ال پۋتين ونىمەن كەلىسسىن دەپ قالايمىن»، — دەدى ترامپ 26 قىركۇيەكتە Fox News-پەن اڭگىمەسىندە.
امەريكا كوشباسشىسى پۋتين مەن زەلەنسكيدىڭ جاقىن ارادا، «مۇمكىن، قاتتى سۋىق تۇسكەنشە» كەلىسىمگە كەلەتىنىنە ءۇمىت ءبىلدىردى.
«ءبىر كۇنى، مۇمكىن جاقىن ارادا، ال مۇمكىن قاتال قىس تۇسكەنشە ولار كەلىسىم جاسايدى دەپ ۇمىتتەنەمىن»، — دەدى اقش پرەزيدەنتى.
بۇعان دەيىن كرەمل پۋتين مەن زەلەنسكيدىڭ كەزدەسۋى ساراپشىلاردىڭ الدىن الا جۇمىسىنسىز ورىنسىز ەكەنىن مالىمدەگەن.
«ازىرگە بەيبىت كەلىسسوزدەرگە شىعۋدىڭ ەشقانداي العىشارتى جوق. دەگەنمەن ءبىز، رەسەيلىك تاراپ رەتىندە، بەيبىت كەلىسسوزدەرگە اشىقتىعىمىزدى ساقتايمىز»، — دەدى رەسەي پرەزيدەنتىنىڭ ءباسپاسوز حاتشىسى دميتري پەسكوۆ، دەپ حابارلايدى ربك.
پەسكوۆ سونداي-اق زەلەنسكيگە ماسكەۋگە كەلۋ تۋرالى ۇسىنىستى ەسكە سالدى. ونىڭ ايتۋىنشا، ۋكراين پرەزيدەنتىنە قاۋىپسىزدىك كەپىلدىكتەرى بەرىلەدى جانە ول «قانداي شەشىمدەر قابىلداۋ كەرەكتىگىن جاقسى بىلەدى».