اقش پرەزيدەنتى دونالد ترامپ حالىقارالىق فۋتبول فەدەراسياسىنىڭ (فيفا) پرەزيدەنتى دجانني ينفانتينونى بۇۇ باس حاتشىسى قىزمەتىنە ۇسىنۋ مۇمكىندىگىن قاراستىرىپ جاتىر، دەپ حابارلايدى infohub.kz.
New York Post گازەتىنىڭ امەريكالىق كوشباسشىعا جاقىن دەرەككوزگە سىلتەمە جاساۋىنشا، 56 جاستاعى ينفانتينو الەم چەمپيوناتىنا دايىندىق كەزىندە ترامپپەن جاقىنداسقان. فيفا باسشىسى ترامپتى وزىنە تارتۋعا بەلسەندى ارەكەت ەتىپ، ونى ءتۇرلى ءىس-شارالارعا قاتىستىرعان. اتاپ ايتقاندا، وتكەن جىلدىڭ جەلتوقسانىندا ينفانتينو ترامپقا فيفا تاريحىنداعى تۇڭعىش بەيبىتشىلىك سىيلىعىن تابىستاعان.
اقش پرەزيدەنتىنە جاقىن دەرەككوزدىڭ حابارلاۋىنشا، ترامپ ينفانتينونى بۇكىل الەمدە قۇرمەتكە يە جانە ادامداردى بىرىكتىرۋدىڭ بىرەگەي قابىلەتى بار ادام دەپ سانايدى. بۇۇ باس حاتشىسىنىڭ جاڭا سايلاۋى 2026 جىلى وتەدى – ول جەلتوقسان ايىنىڭ سوڭىندا قىزمەتىنەن كەتەتىن انتونيۋ گۋتەرريشتى الماستىرادى.