اقش پرەزيدەنتى دونالد ترامپ يرانمەن شيەلەنىس شيەلەنىسە تۇسكەن تۇستا قورعانىس ءمينيسترى پيت حەگسەتكە سەنىم ءبىلدىردى. بۇل تۋرالى infohub.kz سايتى حابارلايدى.
جۋرناليستەر ترامپتان يرانعا قاتىستى اسكەري قيمىلدار كەزىندە حەگسەتتىڭ كەڭەسىنە كوڭىلى تولمايتىنىن سۇراعاندا، ول قورعانىس ءمينيسترىنىڭ «تاماشا جۇمىس ىستەگەنىن» ايتىپ، وعان دەگەن سەنىمىن ءبىلدىردى.
ترامپتىڭ سوزىنشە، حەگسەت پەن باسقالار يران ۆاشينگتون الدىن الا سوققى جاساماسا، اقش-قا شابۋىل جاساۋعا بەلسەنە دايىندالىپ جاتقانىنا سەندىرگەن. ولار يرانداعى جاعدايدىڭ تەز ارادا «قايتىمسىز نۇكتەگە» جەتىپ بارا جاتقانىن ەسكەرتىپ، الدىن الا اسكەري ارەكەت جاساۋدى ۇسىنعان.
پرەزيدەنت اۋە كۇشتەرىنىڭ ءبىرىنشى بورتىندا جۋرناليستەرگە يران ءوز وكىلدەرى ارقىلى دا، تىكەلەي دە كەزدەسۋ سۇراعانىن مالىمدەدى. «ولار كەزدەسكىسى كەلەدى، ءبىز كەزدەسەمىز. ءبىزدىڭ ارەكەتىمىز بولماسا، ولار بىزبەن ءتىپتى سويلەسپەس ەدى… ەگەر ءبىز ءالسىز بولساق، ولار كەزدەسۋ سۇراماس ەدى. ولاردىڭ كەزدەسۋ سۇراۋىنىڭ بىردەن-بىر سەبەبى — ءبىز ولاردى قاتتى سوققىلاپ جاتىرمىز»، — دەدى ترامپ.