اقش پرەزيدەنتى دونالد ترامپ ورمۋز بۇعازىنداعى كەمەلەرگە جاسالعان ءاربىر شابۋىل ءۇشىن امەريكان اسكەرى يراننىڭ كوپىرلەرى مەن ەلەكتر ستانسيالارىن بومبالايتىنىن ەسكەرتتى، دەپ حابارلايدى infohub.kz.
اق ءۇي باسشىسى بۇل تۋرالى Truth Social الەۋمەتتىك جەلىسىندە جازدى: «وسى ساتتەن باستاپ، ەگەر يران يسلام رەسپۋبليكاسى ورمۋز بۇعازىنداعى كەز كەلگەن كەمەگە وق جاۋدىرسا — زىمىرانمەن، رەاكتيۆتى سناريادپەن، ۇشقىشسىز ۇشۋ اپپاراتىمەن نەمەسە كەز كەلگەن باسقا قارۋمەن — امەريكا قۇراما شتاتتارى سوققى بەرىپ، تەگەران ماڭىنداعى نەمەسە تىكەلەي تەگەرانداعى ءبىر كوپىر نەمەسە ەلەكتر ستانسياسىن جويادى».
بۇعان دەيىن تەگەراندا يران ارمياسى كۋۆەيتتەگى امەريكاندىق بازاداعى HIMARS جۇيەلەرىنە سوققى بەرگەنى حابارلاندى. بريتاندىق تەڭىز ساۋدا وپەراسيالىق ورتالىعى ومان جاعالاۋىندا بەلگىسىز سناريادتان تانكەردىڭ زاقىمدانعانىن حابارلادى. كەشە يسلام رەۆوليۋسياسىنىڭ كۇزەت كورپۋسى (يركك) اقش جويعىش ۇشاعىن جويىپ، Amazon كومپانياسىنىڭ دەرەكتەر ورتالىعىن زاقىمداعانىن مالىمدەدى.
ال Bloomberg اگەنتتىگى ۇلىبريتانيانىڭ جاڭا پرەمەر-مينيسترى اقش-تىڭ يرانعا سوققى بەرۋى ءۇشىن بريتاندىق بازالاردى پايدالانۋعا رۇقسات بەرگەنىن حابارلادى. اقش سوعىس ءمينيسترى پيت حەگسەت يرانمەن قاقتىعىسقا قازىرگى ۋاقىتتا 37،5 ميلليارد دوللار جۇمسالعانىن مالىمدەدى.