The New York Times (NYT) اقش پەن يران اراسىنداعى قاقتىعىستىڭ ءۇش ىقتيمال سەناريىن جاريالادى. بۇل سەناريلەر جوعارى دەڭگەيدە تالقىلانعان، دەپ حابارلايدى infohub.kz.
باسىلىمنىڭ دەرەگىنشە، سوڭعى اپتالاردا بۇل نۇسقالار ۆيسە-پرەزيدەنت دجەي دي ۆەنس، قورعانىس ءمينيسترى پيت حەگسەت، بىرىككەن شتاب باستىقتارى كوميتەتىنىڭ ءتوراعاسى دەن كەين، پرەزيدەنتتىڭ كۇيەۋ بالاسى دجارەد كۋشنەر جانە ارنايى وكىل ستيۆ ۋيتكوفف قاتىسقان كەزدەسۋلەردە قارالدى.
پرەزيدەنت دونالد ترامپ ءقازىر تاياۋ شىعىسقا قاتىستى ءۇش ارەكەت باعىتىن قاراستىرىپ جاتىر: اسكەري شيەلەنىستى كۇشەيتۋ؛ يرانعا ەكونوميكالىق قىسىم كورسەتۋ؛ جەڭىس جاريالاپ، امەريكالىق اسكەرلەردى ايماقتان شىعارۋ. دەگەنمەن NYT بۇل سەناريلەردىڭ ءارقايسىسى «ءتۇرلى سەبەپتەرمەن قابىلدانبايتىنىن» اتاپ وتەدى.
اتاپ ايتقاندا، اقش-تىڭ ايماقتان كەتۋى يراننىڭ يادرولىق باعدارلاماسىن جانداندىرىپ، قاقتىعىستىڭ تۇپكى سەبەبىن جويمايدى. سونىمەن قاتار، NYT دەرەككوزدەرىنىڭ مالىمەتىنشە، ترامپتىڭ كەڭەسشىلەرى جاپپاي بومبالاۋ تەگەراندى كەلىسسوزدەرگە قايتا كەلتىرۋىنە كۇمانمەن قارايدى. مۇنداي سوققىلار بەيبىت تۇرعىندار اراسىندا ۇلكەن شىعىنعا اكەلىپ، يراندىقتاردىڭ جاپپاي اشتىققا ۇشىراۋىنا سەبەپ بولۋى مۇمكىن. ال پرەزيدەنت بۇرىن ولاردى ءوز ۇكىمەتىنەن قورعاۋعا ۋادە بەرگەن ەدى.
ەسكە سالا كەتەيىك، يران سىرتقى ىستەر مينيسترلىگىنىڭ وكىلى وسى ۋاقىتتا ۆاشينگتون مەن تەگەران اراسىندا دەلدالدار ارقىلى كەلىسسوزدەردىڭ جالعاسىپ جاتقانىن مالىمدەدى.