اقش پرەزيدەنتى دونالد ترامپ جاڭا بريتان پرەمەرى ەندي بەرنەممەن جاقىن ارادا كەزدەسەتىنىن حابارلادى. بۇعان دەيىن ەكى ساياساتكەر تەلەفون ارقىلى سويلەسكەن بولاتىن. بۇل تۋرالى infohub.kz حابارلايدى.
اق ءۇي باسشىسى بۇل تۋرالى Truth Social الەۋمەتتىك جەلىسىندەگى پاراقشاسىندا جازدى. «مەن ۇلىبريتانيانىڭ جاڭا پرەمەر-مينيسترى ەندي بەرنەممەن وتە جاقسى اڭگىمەلەستىم. ءبىز اقش پەن ۇلىبريتانيا اراسىنداعى ۇزاق جانە تاماشا قارىم-قاتىناستى قوسا العاندا، كوپتەگەن تاقىرىپتاردى تالقىلادىق. تاياۋ ارادا ءوزارا مۇددەلى ماسەلەلەردى تالقىلاۋ ءۇشىن جۇزبە-جۇز كەزدەسۋدى جوسپارلاپ وتىرمىز»، – دەپ جازدى ترامپ.
ونىڭ ايتۋىنشا، ۇلىبريتانيانىڭ جاڭا پرەمەرىن ۇلكەن جۇمىس كۇتىپ تۇر، ءبىراق اقش كومەك كورسەتۋگە دايىن. «ءبىز سولتۇستىك تەڭىزدە مۇناي ءوندىرۋدى، ساۋدانى، اسكەري وداقتى، ورمۋز بۇعازىن مينادان تازارتۋدى جانە باسقا دا كوپتەگەن ماسەلەلەردى تالقىلادىق. اڭگىمە قىزىقتى ءارى وتە جاقسى ءوتتى»، – دەپ قوستى ترامپ.
كەشە لەيبوريستىك پارتيانىڭ جاڭا كوشباسشىسى ەندي بەرنەم رەسمي تۇردە ۇلىبريتانيا پرەمەر-مينيسترى بولدى. ول كورول كارل III-مەن كەزدەستى.