18 جاستاعى تۋريست لۋكاس رەيندجەر تايلاند اۋەجايىندا ۇستالدى. پوليسيانىڭ ايتۋىنشا، ول بوتەن ساعاتتى ۇرلاپ كەتكەن. جىگىت ۇشۋ الدىندا قاماۋعا الىنىپ، كەپىلگە بوساتۋدان باس تارتىلدى. بۇل تۋرالى infohub.kz سايتى NEWS.ru-عا سىلتەمە جاساپ حابارلادى.
رەيندجەردىڭ ءوزى ەشكىمنىڭ زاتىن ۇرلاماق بولماعانىن ايتادى. ونىڭ سوزىنشە، ول جەكە زاتتارىنىڭ قاسىندا جاتقان ساعاتتى قاتەلەسىپ الىپ كەتكەن. اناسىنىڭ ايتۋىنشا، ۇلى ۇزاق تەڭىز ساپارىنان كەيىن ءوزىن ناشار سەزىنگەن، سوندىقتان ونى تاي تۇرمەسىنە جابۋ تىم قاتاڭ شارا ەكەنىن مالىمدەدى.
جەرگىلىكتى زاڭ بويىنشا جىگىتكە بەس جىلعا دەيىن باس بوستاندىعىنان ايىرۋ جانە 10 مىڭ باتقا دەيىن ايىپپۇل سالىنۋى مۇمكىن.
رەيندجەردىڭ ادۆوكاتى ءىستى قايتا قاراۋدى تالاپ ەتۋدە. ساعات يەسىنە وتەماقى رەتىندە 1 000 دوللار بەرىلدى، دەگەنمەن باسىلىمنىڭ مالىمەتىنشە، ساعاتتىڭ ءوزى 100 دوللار شاماسىندا تۇرادى.
ءقازىر تۋريست قاماۋدا وتىر، ال ونىڭ بولاشاق تاعدىرىن تايلاند بيلىگى شەشەدى.