قازاقستاننىڭ ەكولوگيالىق تازالىعىن ساقتاۋ جانە قوعامدى بىرىكتىرۋ ماقساتىندا وتكەن جالپىۇلتتىق «تازا قازاقستان» اكسياسى اياسىندا تۋريزم جانە سپورت مينيسترلىگىنىڭ قىزمەتكەرلەرى سەنبىلىككە قاتىسىپ، ءوز ۇلەستەرىن قوستى. ولار بەلگىلەنگەن اۋماقتى ارامشوپتەردەن تازارتتى، سونداي-اق پلاستيك جانە تۇرمىستىق قالدىقتاردى جينادى.
مينيسترلىك قىزمەتكەرلەرى سەنبىلىك بارىسىندا بىرلەسىپ جۇمىس ىستەپ، قورشاعان ورتانى تازا ۇستاۋ، تابيعاتقا قامقورلىق كورسەتۋ سياقتى ماڭىزدى مىندەتتەردى اتقاردى. «تازا قازاقستان» اكسياسىنىڭ نەگىزگى ماقساتى — تەك تابيعاتتى قوقىستان تازارتۋ عانا ەمەس، سونداي-اق قوعامدى ءبىرتۇتاس ەتىپ، ازاماتتىق جاۋاپكەرشىلىكتى ارتتىرۋ ەكەندىگى اتاپ ءوتىلدى.