تۇركىمەنستاندا سەمىز ارتىستەرگە ساحناعا شىعۋعا تىيىم سالىندى
تۇركىمەنستان بيلىگى مادەنيەت سالاسىنداعى ارتىستەرگە قاتاڭ تالاپ قويدى. ەندى قارىنى بار انشىلەر مەن اكتەرلەر 27 قىركۇيەك – تاۋەلسىزدىك كۇنىنە دەيىن ارىقتاپ، سىمباتتى قالىپقا كەلۋگە ءتيىس. ايتپەسە، ساحناعا شىعۋىنا شەكتەۋ قويىلادى.
جاڭا ەرەجەگە سايكەس، بۇل تالاپ بارلىعىنا ورتاق: ءتىپتى ەڭبەك سىڭىرگەن حالىق ارتىستەرىنە دە جەڭىلدىك قاراستىرىلماعان.
جەرگىلىكتى ونەر يەلەرىنىڭ ايتۋىنشا، مۇنداي تالاپتى ورىنداۋ وڭايعا تۇسپەيدى.
– «ەت پەن كوكونىستىڭ باعاسى قىمباتتاپ كەتكەن. جاتتىعۋ زالىنا جازىلۋ 1000 مانات تۇرادى. ال ءبىزدىڭ ورتاشا ايلىق جالاقىمىز نەبارى 3000 مانات»، – دەيدى ەسىمىن اتاماۋدى سۇراعان ارتىستەردىڭ ءبىرى.
رەسمي ورگاندار مۇنداي شەكتەۋدىڭ سەبەبىن تۇسىندىرمەدى. دەگەنمەن قوعامدا بۇل باستاما ارتىستەردىڭ سىرتقى كەلبەتىن قاتاڭ باقىلاۋعا الۋ ارەكەتى رەتىندە باعالانىپ وتىر.