تۇركىستان وبلىسىندا پروكۋرورلىق تەكسەرۋ بارىسىندا پسيحياتر مەن ناركولوگ ەسەبىندە تۇرعان 89 ادام انىقتالدى. ولاردىڭ مەديسينالىق قارسى كورسەتىلىمدەرىنە قاراماستان جۇرگىزۋشى كۋالىگى بولعان جانە كولىك باسقارۋدى جالعاستىرعان، دەپ حابارلايدى سايت infohub.kz.
باس پروكۋراتۋرانىڭ مالىمەتىنشە، زاڭبۇزۋشىلىق جول قوزعالىسى قاۋىپسىزدىگى سالاسىنداعى زاڭناما تالاپتارىنىڭ ساقتالۋىن تەكسەرۋ بارىسىندا انىقتالعان.
قازاقستان زاڭى بويىنشا پسيحيكالىق جانە مىنەز-ق ۇلىق بۇزىلىستارى، سونداي-اق پسيحواكتيۆتى زاتتاردى تۇتىنۋعا بايلانىستى بۇزىلىستارى بار ادامدار مەديسينالىق قارسى كورسەتىلىمدەر بولعان جاعدايدا كولىك باسقارۋعا قۇقىعى جوق.
پروكۋراتۋرا ارالاسقاننان كەيىن سوتتار 89 ادامنىڭ دا كولىك قۇرالدارىن باسقارۋ قۇقىعىنان ايىردى. سونىمەن قاتار، كىنالى لاۋازىمدى تۇلعالار جاۋاپكەرشىلىككە تارتىلدى.
پروكۋراتۋرا بۇل باعىتتاعى تەكسەرۋلەر جالعاساتىنىن مالىمدەدى.
بيىلعى ساۋىردە ءىىم «جول ءجۇرىسى تۋرالى» زاڭعا تۇزەتۋلەر ازىرلەنىپ جاتقانىن حابارلادى. ولار اۆتوشكولالارعا قويىلاتىن تالاپتاردى قاتاڭداتادى — حابارلاندىرۋ تارتىبىنەن رۇقسات بەرۋ تارتىبىنە كوشۋ جوسپارلانۋدا.