الدىن الا مالىمەتتەرگە سايكەس، تۇركىستان وبلىسىنىڭ تۇلكىباس اۋدانىندا 2024 جىلى تۋعان ەكى جاسار بالا ەرەسەكتەردىڭ قاراۋىنسىز قالىپ، تەرەڭدىگى شامامەن 2،5 مەتر بولاتىن كوشە دارەتحاناسىنا قۇلاپ كەتكەن. بۇل تۋرالى infohub.kz سايتى حابارلايدى.
«وقيعا ورنىنا تۇركىستان وبلىسى توتەنشە جاعدايلار دەپارتامەنتىنىڭ (تجد) كۇشتەرى مەن قۇرالدارى، جەدەل جاردەم، پوليسيا، جەرگىلىكتى اتقارۋشى ورگان جانە ورمان شارۋاشىلىعى جۇمىلدىرىلدى. قۇتقارۋشىلار بالانىڭ دەنەسىن كوشە دارەتحاناسىنان الىپ شىقتى»، — دەپ مالىمدەدى تجد.
بالانى قۇتقارۋ مۇمكىن بولمادى. قايعىلى وقيعانىڭ ءمان-جايى انىقتالىپ جاتىر.
اشىق دەرەككوزدەر مونيتورينگىنە سايكەس، 2026 جىلدىڭ باسىنان بەرى تۇركىستان وبلىسىندا بالانىڭ كوشە دارەتحاناسىنا نەمەسە كارىز شۇڭقىرىنا قۇلاۋىنىڭ كەمىندە ءۇشىنشى جاعدايى تىركەلىپ وتىر. ناۋرىزدا اقنيەت اۋىلىندا جانە ماۋسىمدا تەمىرلان اۋىلىندا بالالاردى قۇتقارۋشىلار دەر كەزىندە كومەك كورسەتىپ، امان الىپ قالعان بولاتىن. الايدا بۇل جولعى وقيعا وسى جىلى بالا ولىمىمەن اياقتالعان العاشقى جاعداي بولدى.
قۇتقارۋشىلار تاعى دا اتا-انالاردى كىشكەنتاي بالالاردى قىسقا ۋاقىتقا بولسا دا قاراۋسىز قالدىرماۋعا شاقىرادى. جەكە ءۇي يەلەرىنە كوشە دارەتحانالارىن، سەپتيكتەردى، كارىز شۇڭقىرلارىن جانە باسقا دا ءقاۋىپتى نىسانداردى مىقتاپ جاۋىپ، قورشاۋمەن ءبولىپ، بالالاردىڭ كىرۋىنە جول بەرمەۋ ۇسىنىلادى.