تۇركىستان وبلىسىنداعى شايان – ەكپىندى تراسساسىندا جول اپاتىنان جەتى ادام قازا تاپتى، دەپ حابارلايدى infohub.kz سايتى.
ولىمگە اكەلگەن جول اپاتى تۇندە بولدى. الدىن الا مالىمەتتەرگە سايكەس، بايدىبەك اۋدانىنداعى جولدا Toyota Camry مەن Volkswagen Passat اۆتوموبيلدەرى سوقتىعىسقان.
جەتى ادام اپات ورنىندا كوز جۇمدى، دەپ حابارلادى وبلىستىق پوليسيا دەپارتامەنتى.
«قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن قاجەتتى تەرگەۋ جانە پروسەسسۋالدىق امالدار جۇرگىزىلۋدە. تەرگەۋ ناتيجەسى بويىنشا زاڭناماعا سايكەس ءتيىستى پروسەسسۋالدىق شەشىم قابىلدانادى»، — دەپ مالىمدەدى ءتارتىپ ساقشىلارى.