تۇركىستان وبلىسىندا سايرام مەن تولەبي اۋداندارىنىڭ شەكاراسىندا ەكى كولىك بەتپە-بەت سوقتىعىسىپ، ەكى ادام قازا تاپتى. جەرگىلىكتى تۇرعىندار بۇل جول ۋچاسكەسىن اسا ءقاۋىپتى دەپ اتايدى، دەپ حابارلايدى infohub.kz سايتى.
الدىن الا مالىمەتتەرگە قاراعاندا، قىتايلىق Lixiang كروسسوۆەرى مەن «ۆاز» ماركالى جەڭىل كولىگى بەتپە-بەت سوقتىعىسقان. سونىمەن قاتار، تاعى ءبىر كولىك جاناما سوققىعا ۇشىراعان.
«ۆاز» سالونىندا ءۇش ادام بولعان. ولاردىڭ ەكەۋى قازا تاپتى، تاعى ءبىر جولاۋشى اۋىر حالدە اۋرۋحاناعا جەتكىزىلدى. قازا تاپقانداردىڭ جاسى 27-دە ەدى.
ايتا كەتۋ كەرەك، سوقتىعىسۋدان كەيىن جەڭىل كولىكتەن ەشتەڭە دەرلىك قالماعان. كۋاگەرلەر سالوننان جۇگىرىپ شىعىپ، مايىسقان كولىكتەردەن ادامداردى سۋىرىپ الىپ شىققان.
«جكو سالدارىنان ۆاز كولىگىنىڭ جۇرگىزۋشىسى مەن جولاۋشىسى وقيعا ورنىندا كوز جۇمدى. تاعى ءبىر ۆاز جولاۋشىسى مەديسينالىق مەكەمەگە جات قىزىلدى. Lixiang جۇرگىزۋشىسى ۇستالىپ، پوليسيا بولىمىنە جەتكىزىلدى»، — دەدى تۇركىستان وبلىسى پد ءباسپاسوز قىزمەتىنىڭ جەتەكشىسى گۇلنار ءابدىجاپپاروۆا.
كروسسوۆەر جۇرگىزۋشىسى اپاتقا سەبەپ بولدى دەپ بولجانادى.
جەرگىلىكتى تۇرعىندار اپات بولعان ۋچاسكەدە ءجۇرۋ ءقاۋىپتى ەكەنىن ايتادى، ويتكەنى تار جولدا جۇك كولىكتەرى مەن جەڭىل اۆتوكولىكتەر ارەڭ سىيىپ كەتەدى.