تارباعاتاي ۇلتتىق پاركىندە سيرەك كەزدەسەتىن تۇركىستان سىلەۋسىنى سۋاتقا كەلگەن ساتتە فوتوتۇزاققا ءتۇسىپ قالدى، دەپ حابارلايدى Orda.kz.
ۇلتتىق پاركتىڭ ورماندى تاۋلى القاپتارى مەن جارتاستى شاتقالدارى تۇركىستان سىلەۋسىنى ءۇشىن قولايلى مەكەن. قازاقستاندا بۇل ءتۇر وتە سيرەك كەزدەسەدى، سوندىقتان قازاقستان رەسپۋبليكاسىنىڭ قىزىل كىتابىنا ەنگىزىلگەن جانە مەملەكەت قورعاۋىندا.
تۇركىستان سىلەۋسىنى — ساق ءارى جاسىرىن جانۋار، ول ادام كوزىنە وتە سيرەك تۇسەدى. سوندىقتان فوتوتۇزاقتار ارقىلى الىنعان بەينەجازبا عىلىمي تۇرعىدان ۇلكەن قۇندىلىققا يە. ول ماماندارعا جىرتقىشتىڭ تارالۋىن، مىنەز-ق ۇلىق ەرەكشەلىكتەرىن جانە سانىن باقىلاۋعا مۇمكىندىك بەرەدى.
بۇعان دەيىن جوڭعار الاتاۋى ۇلتتىق پاركىندە فوتوتۇزاق وبەكتيۆىنە تيان-شان قوڭىر ايۋى تۇسكەن ەدى.