انكارا ينتەرپولعا يزرايل پرەمەر-مينيسترى بينيامين نەتانياحۋدى حالىقارالىق ىزدەۋگە جاريالاۋ تۋرالى رەسمي ءوتىنىش جولدادى. ءتيىستى « قىزىل بۇيرىقتى» تۇركيانىڭ ادىلەت مينيسترلىگى باستاماشىلىق ەتتى، دەپ حابارلايدى infohub.kz سايتى.
تۇركيانىڭ ادىلەت ءمينيسترى اقىن گۇرلەكتىڭ ايتۋىنشا، بۇل ءوتىنىش گازا سەكتورىنا گۋمانيتارلىق كومەك جەتكىزىپ جاتقان Sumud حالىقارالىق فلوتيلياسىنىڭ بەلسەندىلەرىنە جاسالعان شابۋىلعا قاتىستى قىلمىستىق ىسكە بايلانىستى. ءىس ىستامبۇلداعى 11ء-شى اۋىر قىلمىستىق ىستەر سوتىندا قارالۋدا، ال ىسكە نەتانياحۋ مەن افەك موسكوۆيچتى قوسا العاندا 35 ادام تارتىلعان.
گۇرلەكتىڭ سوزىنشە، نەتانياحۋ مەن موسكوۆيچكە قاتىستى تۇتقىنداۋ وردەرلەرى 2026 جىلدىڭ 14 شىلدەسىندە شىعارىلعان. وسىدان كەيىن تۇركيانىڭ ادىلەت مينيسترلىگى ىشكى ىستەر مينيسترلىگىنە ينتەرپولدىڭ « قىزىل بۇيرىقتارىن» بەرۋدى باستاۋ تۋرالى ءوتىنىش جاساعان. قاجەتتى قۇجاتتار سىرتقى ىستەر مينيسترلىگىنە دە جىبەرىلگەن.
تۇرىك تاراپى ايىپتالۋشىلاردى حالىقارالىق سۋلاردا بەيبىت بەلسەندىلەرگە قارسى ارەكەت جاسادى دەپ ايىپتايدى. بۇل گازاعا گۋمانيتارلىق كومەك جەتكىزۋگە تىرىسقان ادامدار تۋرالى بولىپ وتىر.
«ءبىز نەتانياحۋ اكىمشىلىگىنىڭ يممۋنيتەتى بار جانە جاۋاپكەرشىلىككە تارتىلمايدى دەگەن ۇستانىممەن مۇلدەم كەلىسپەيمىز»، — دەپ اتاپ ءوتتى گۇرلەك.
ايىپتاۋلار ادامزاتقا قارسى قىلمىستار، گەنوسيد، زاڭسىز باس بوستاندىعىنان ايىرۋ، دەنساۋلىققا قاساقانا زيان كەلتىرۋ، ازاپتاۋ، م ۇلىكتى ءبۇلدىرۋ، توناۋ جانە كولىك قۇرالدارىن ۇرلاۋدى قامتيدى. مينيستر تۇركيا كىنالىلەردى جاۋاپكەرشىلىككە تارتۋ ءۇشىن ۇلتتىق جانە حالىقارالىق قۇقىقتا قاراستىرىلعان بارلىق تەتىكتەردى پايدالانۋدى كوزدەيتىنىن قوستى.
الايدا ينتەرپولدىڭ « قىزىل بۇيرىعى» حالىقارالىق تۇتقىنداۋ وردەرى ەمەس. ول قاتىسۋشى ەلدەردىڭ قۇقىق قورعاۋ ورگاندارىنا ادامدى ەكستراديسيا ماسەلەسى شەشىلگەنگە دەيىن ىزدەۋ جانە ۋاقىتشا ۇستاۋ تۋرالى سۇراۋ بولىپ تابىلادى.
نەتانياحۋ كەڭسەسى ايىپتاۋلاردى جوققا شىعارىپ، انكارانىڭ بۇل ارەكەتىن تۇركيا پرەزيدەنتى رەجەپ تايىپ ەردوعاننىڭ يزرايل باسشىلىعى مەن اسكەري قىزمەتكەرلەرىن قورقىتۋ ارەكەتى دەپ اتادى.