تۇركياداعى ەۋرازيا جازۋشىلار قاۋىمداستىعىنىڭ اي سايىن شىعاراتىن «كاردەش كالەملەر» اتتى كوركەم ادەبي جۋرنالىنىڭ بيىلعى جىلدىڭ 3ء-شى سانى قازاقتىڭ كورنەكتى اقىنى، قوعام قايراتكەرى ولجاس سۇلەيمەنوۆكە ارنالدى. بۇل تۋرالى تۇركسوي ۇيىمىنىڭ ءباسپاسوز قىزمەتى حابارلادى.
جۋرنالعا اقىننىڭ ولەڭدەرى مەن سۇحباتتارى، ەلباسى ن.نازارباەۆتىڭ، قازاقستاننىڭ تۇركياداعى ەلشىسى ج.تۇيمەباەۆتىڭ، حالىقارالىق تۇركسوي ۇيىمىنىڭ باس حاتشىسى د.قاسەيىنوۆتىڭ، ەۋرازيا جازۋشىلار قاۋىمداستىعىنىڭ ءتوراعاسى يا.وماروعلىنىڭ جانە تاعى باسقا تۇرىك عالىمدارىنىڭ ماقالالارى ەندى.
ماتەريالداردى جيناقتاپ، تۇرىك تىلىنە اۋدارعان قازاقستاننىڭ تۇركسوي-داعى وكىلى، اۋدارماشى-جازۋشى مالىك وتاربايەۆ. اقىننىڭ ولەڭدەرىن تۇرىك تىلىنە ءتارجىمالاعان بەلگىلى ازەربايجان اقىنى مامەت ىسمايىل.
بۇدان بۇرىن «كاردەش كالەملەر» جۋرنالى قازاقتىڭ اقتاڭگەر اقىنى ءسۇيىنباي ارون ۇلىنا، اقىن قاسىم امانجولوۆقا، جازۋشى بەردىبەك سوقپاقباەۆقا، جازۋشى شەرحان مۇرتازاعا بىرنەشە سانىن ارناعان بولاتىن.