تانىمال قازاقستاندىق كاسىپكەر، پروديۋسەر ءارى اكتريسا بايان الاعۇزوۆانىڭ جۇبايى تۇرسىن الاعۇزوۆ 57 جاسقا تولۋىن كەڭ كولەمدە اتاپ ءوتتى. تويعا وتاندىق شوۋ-بيزنەس جۇلدىزدارى شاقىرىلدى، دەپ حابارلايدى infohub.kz سايتى.
بايان ماقسات قىزى Instagram پاراقشاسىندا سۇيىكتى جۇبايىنىڭ تۋعان كۇنىنە ارنالعان كەشتىڭ كادرلارىن جاريالادى. قوناقتارعا كوپتەگەن كوڭىلدى كونكۋرستار مەن تاڭداۋلى ءدامدى تاعامدار دايىندالدى.
شاقىرىلعاندار اراسىندا جۇبايىمەن بىرگە دينارا ساتجان، ايدا كاۋمەنوۆا، ەركە ەسماحان مەن RaiM، ايقىن مەن جۇلدىز ءومىرعالي، سونداي-اق قازاقستاندىق شوۋ-بيزنەستىڭ باسقا دا وكىلدەرى بايقالدى.
قوناقتاردىڭ الدىندا A'Studio توبى مەن نۇرلان سابىروۆ ونەر كورسەتتى. تۋعان كۇن يەسىنە قىمبات ءارى ەستە قالارلىق سىيلىقتار تارتۋ ەتىلدى. اتاپ ايتقاندا، بايان ماقسات قىزى جۇبايىنا التىن تۇيرەۋىش سىيلادى، ال ونىڭ ۇلكەن قىزى مەن كۇيەۋ بالاسى توسىنسىي جاساپ، 1981 جىلعى Cadillac تارتۋ ەتتى.
دينارا ساتجان دا تويدان كادرلار ءبولىستى. «باقىتتى بولۋ — ءبارى جاقسى بولاتىن ءساتتى كۇتۋ ەمەس. باقىت — «ءبىر كۇنى» دەگەن تۋرالى ەمەس. ول — ءدال ءقازىر، وسى ساتتە! وزىڭمەن ءدال ءقازىر بولىپ جاتقان ساتتە بولا ءبىلۋ. ەستەلىكتەرمەن ءومىر سۇرمەۋ جانە ءومىردى ودان دا جاقسى بولادى دەپ كەيىنگە قالدىرماۋ. وسىندا جانە ءقازىر ءومىر ءسۇرۋ. ويتكەنى ءقازىر — بىزدە شىنىمەن بار جالعىز نارسە! تۋعان كۇنىڭمەن، تۇرسىن الاعۇزوۆ!» — دەپ جازدى تەلەجۇرگىزۋشى.