قازاقستاندىق تانىمال ازىلكەش تۇرسىنبەك قاباتوۆ الەۋمەتتىك جەلىدەگى پاراقشاسىندا قازىرگى فۋتبول دوداسى تۋرالى پىكىر ءبىلدىردى، دەپ حابارلايدى infohub.kz.
تۇرسىنبەك قاباتوۆ فۋتبولدان الەم چەمپيوناتى تۋرالى ءازىل-قالجىڭ ارالاس جازبا جاريالادى.
«فينال 2026. مەسسي قىرقىنان شىعارعان بالاسىمەن. لامين يامال مەن ليونەل مەسسي. كەزىندە "اۋزىنا بەكەر تۇكىردىم" دەپ وتىرعان شىعار مەسسي»، – دەپ جازدى تۇرسىنبەك قاباتوۆ.
ەسكە سالا كەتەيىك، تۇرسىنبەك قاباتوۆتىڭ ۇلكەن قىزى ادەمى تۇرسىنبەك قىزى بۇعان دەيىن الەۋمەتتىك جەلىدەگى پاراقشاسىندا جاڭا كولىگىن كورسەتكەن ەدى. سونداي-اق تۇرسىنبەك قاباتوۆ ۇلكەن قىزى ادەمىنىڭ شەتەلدىك جوعارى وقۋ ورنىن بىتىرگەنىنە قۋانىپ، جولدا اقىل-كەڭەس بەرگەندەرگە العىس ايتقان.
تۇرسىنبەك قاباتوۆ دەگەن كىم؟
تۇرسىنبەك امانعالي ۇلى قاباتوۆ – قازاقستاندىق ازىلكەش، اكتەر، كۆن ويىنشىسى جانە ساتيرا جانرىنىڭ تانىمال وكىلى. ول 1979 جىلى 10 قازاندا باتىس قازاقستان وبلىسى، كازتالوۆ اۋدانى، اقپاتەر اۋىلىندا دۇنيەگە كەلگەن.
ءارتىس كوپشىلىككە قازاقشا ازىلدەردى شەبەر ورىنداۋى، وتكىر يۋمورى جانە ساحناداعى ەركىن مىنەز-قۇلقىمەن تانىمال. ونىڭ شىعارماشىلىعىندا يۋمور ارقىلى وزەكتى قوعامدىق ماسەلەلەر، كۇندەلىكتى تۇرمىس جانە ۇلتتىق مىنەزدىڭ ەرەكشەلىكتەرى كورىنىس تابادى.
تۇرسىنبەك قاباتوۆ ەڭبەك جولىن 2000 جىلى باتىس قازاقستان وبلىستىق عاريفوللا قۇرمانعالييەۆ اتىنداعى فيلارمونياسىندا باستاعان. 2001 جىلدان باستاپ كۆن-دە ونەر كورسەتىپ، يۋمورلىق جانرداعى كاسىبي جولىن قالىپتاستىرعان.
ستۋدەنتتىك كەزىندە ول «اگراركا ساربازدارى»، «استانا.kz» جانە «كازاحي» كوماندالارىندا ويناعان. اسىرەسە، «كازاحي» كومانداسىندا ونەر كورسەتۋى وعان كەڭ تانىمالدىق اكەلدى.
2010 جىلى كومانداسىمەن بىرگە حالىقارالىق كۆن وداعىنىڭ جوعارى ليگاسىنىڭ ۆيسە-چەمپيونى اتانعان. سونداي-اق تمد ەلدەرى اراسىندا ۇزدىك كۆن ويىنشىسى اتاعىنا يە بولعان.
كەيىن تۇرسىنبەك قاباتوۆ جەكە شىعارماشىلىققا كوشىپ، استانا مەن الماتىدا كونسەرتتەر بەرگەن. ول تەلەديدار جوبالارىنا قاتىسىپ، پروديۋسەر جانە ۇيىمداستىرۋشى رەتىندە جۇمىس ىستەگەن.
ءارتىس «بازار جوق» تەاترىن اشىپ، يۋمورلىق جوبالاردىڭ دامۋىنا ۇلەس قوسقان. سونىمەن قاتار «ءازىل الەمى» تەاترىن باسقارعان.
تۇرسىنبەك قاباتوۆتىڭ ەڭبەگى مەملەكەتتىك جانە قوعامدىق ناگرادالارمەن اتالىپ وتكەن. 2014 جىلى وعان «قازاقستان رەسپۋبليكاسىنىڭ مادەنيەت ۇزدىگى» اتاعى بەرىلىپ، كازتالوۆ اۋدانىنىڭ قۇرمەتتى ازاماتى اتانعان. 2015 جىلى «قازاقستاننىڭ ەڭبەك سىڭىرگەن قايراتكەرى» اتاعىنا يە بولعان.
بۇگىنگى تاڭدا تۇرسىنبەك قاباتوۆ قازاق ساحناسىندا ءوز ءستيلىن قالىپتاستىرىپ، يۋمور مەن ساتيرانىڭ دامۋىنا ۇلەس قوسقان تانىمال ونەر قايراتكەرلەرىنىڭ ءبىرى سانالادى.