ازىلكەش تۇرسىنبەك قاباتوۆ اقىن ءجۇرسىن ەرمان قاتىسقان ۆيدەو تاراعاننان كەيىن الەۋمەتتىك جەلىدە پىكىر ءبىلدىردى، دەپ حابارلايدى infohub.kz.
ول ءجۇرسىن ەرماننىڭ قازاق ونەرىنە سىڭىرگەن ەڭبەگىن اتاپ ءوتىپ، الەۋمەتتىك جەلى قولدانۋشىلارىن ءارتۇرلى اقپاراتقا ءبىرجاقتى باعا بەرمەۋگە شاقىردى.
«ءبارى ءبىتتى، ەندى ءجۇرسىن اعا قالدى ما؟ قازاق ونەرىن ءجۇرسىن اعامىز سەكىلدى تۇسىنەتىن ادام از. اعامىز سوڭعى كەزدە اۋىرىڭقىراپ ءجۇر. اعا، 100 جاساڭىز. كوپ پاراقشالارعا ايتارىم، كورىنگەن جاڭالىقتاردىڭ اق-قاراسىن اجىراتپاي تۇرىپ، 40-50 جىل ەل ءۇشىن ەڭبەك ەتىپ جيناعان ابىروي-بەدەلىن توكپەيىك. كەرىسىنشە، «اعامىزدىڭ جاسىن بەرسىن ديماشقا» دەپ نەگە جازبايسىزدار؟» – دەپ جازدى تۇرسىنبەك قاباتوۆ.
ەسكە سالايىق، بۇعان دەيىن الەۋمەتتىك جەلىدە ءجۇرسىن ەرمان مەن ءانشى ديماش قۇدايبەرگەننىڭ كەزدەسۋى بەينەلەنگەن ۆيدەو تاراعان بولاتىن. بەينەجازبا پايدالانۋشىلار اراسىندا ءتۇرلى پىكىرتالاس تۋدىردى.