(لەرمونتوۆتان)
اباقتىدان قۇتقارىپ،
ساۋلەسىن كۇننىڭ كورسەتشى.
قاراكوز جانعا قىز سالىپ،
قارا جال جۇيرىك ات بەرشى.
جاس سۇلۋدى جۇرەككە
قىسىپ اۋەل سۇيەيىن.
سونان سوڭ ىرعىپ جۇيرىككە،
جەلدەي ۇشىپ گۋلەيىن.
ەسىك بەرىك، اينەك تە،
داريعا، ءبىراق تىم بيىك.
قاراكوزدى اۋلاقتا
جاتقان شىعار جات ءسۇيىپ.
جاسىل قىردا ەرىگىپ،
جۇگەنسىز ءجۇر عوي تۇلپار-ات
قۇيرىق-جالى توگىلىپ،
بوس ويناقتاپ، كوڭىلى شات.
جوق جۇبانىش، جالعىزبىن،
جالاڭاش تاس - اينالام.
شاشادى ءالسىز جارىعىن
سونەتىن وتتاي سورلى شام.
ەستىلەدى جالعىز-اق
ار جاعىندا ەسىكتىڭ
كۇزەتشى ءجۇر ءۇنسىز، ساق،
اياعىن باسقان ەسەپپەن.

---