InfoHub Logo

ۇيىمداستىرىلعان وقۋ ءىس - ارەكەتى: ماتەماتيكا
تاقىرىبى: ۋاقىت. اي. اپتا. تاۋلىك. تاڭەرتەڭ. ساسكە. ءتۇس. بەسىن. كەش. ءتۇن.
ماقساتتارى:
ا) بىلىمدىلىگى: جالپى ۋاقىت ولشەۋىشتەرى تۋرالى باعدار بەرۋ. ءتورت جىل مەزگىلى، اي، اپتا كۇندەرى، كۇندىزگى، تۇنگى مەزگىلدى قامتيتىن 24 ساعاتتىڭ دا ۋاقىت ولشەۋىشتەرى ەكەندىگىنە ماعلۇمات بەرۋ.
ءا) دامىتۋشىلىعى: ۋاقىتتى باعدارلاي ءبىلۋ قابىلەتتەرىن دامىتۋ.
ب) تاربيەلىگى: زەيىندەرىن، بايقاعىشتىقتارىن، ءوز بەتىنشە جۇمىس ىستەي ءبىلۋ داعدىلارىن دامىتۋ.
كورنەكىلىگى: بالانىڭ كۇن رەجيمى سۋرەتى
ءادىس - ءتاسىلى: ءتۇسىندىرۋ، كورسەتۋ.

ۇيىمداستىرۋشىلىق - وياتۋشىلىق
بالالاردىڭ نازارىن ساباققا اۋدارۋ.
«قايىرلى كۇن!»جاتتىعۋى ارقىلى پسيحولوگيالىق دايىندىق.
«كىدىرمەي، جىلدام جاۋاپ بەر» ويىنى
- جىلدىڭ قاي مەزگىلى؟
- تاۋلىكتىڭ قانداي بولىگى؟
- ءبىر قولىمىزدا نەشە ساۋساق بار؟
- اسپاندا قانشا كۇن بار؟
- ءيتتىڭ نەشە كوزى بار؟
اسپاندا قانشا جۇلدىز بار؟
بۇل ساباق "كۇن رەجيمى" تاقىرىبىنا ارنالعان اڭگىمەدەن باستالادى. بالانىڭ ءبىر تاۋلىك بويىنا جاسايتىن ءىس - ارەكەتى اڭگىمەلەنەدى. ءىس - ارەكەت الگوريتمىن ءتۇزۋ، ۋاقىتپەن ساناسۋ، ونى ۇنەمدەۋ، ۇقىپتى پايدالانۋدىڭ پايداسى، ۋاقىت ولشەۋىشى — تاۋلىك تۋرالى ماعلۇماتتار بەرىلەدى. كۇن رەجيمىن اڭگىمەلەۋدە: تاڭەرتەڭ، ساسكە، ءتۇس، بەسىن، كەش، ىمىرت، ءتۇن ۇعىمدارى پايدالانىلادى.

ۇيىمداستىرۋشىلىق - ىزدەنۋشىلىك.
تاپقىشبەك تاپسىرماسىندا اعاشتاردىڭ كولەڭكەسىنە قاراي قاي مەزگىل ەكەندىگى اجىراتىلادى. ۋاقىت ولشەۋىشتەرىن بىلدىرەتىن باسقا دا سۋرەتتەر سالدىرۋعا بولادى. ساباقتا ۋاقىت ولشەۋىشى — تاۋلىكپەن، ءبىر تاۋلىك ىشىندەگى: تاڭەرتەڭ، ساسكە، ءتۇس، بەسىن، كەش، ىمىرت، ءتۇن ۇعىمدارى - مەن، ءبىر تاۋلىكتەگى بالانىڭ ءىس - ارەكەتىنىڭ رەتىمەن تانىستىرۋ. تاۋلىك، ساعات، اپتا، اي، جىل جايلى ماعلۇماتتار بەرىلىپ، دۇنيە تانىمىن كەڭەيتۋ، ۋاقىتتى ۇقىپتى، ۇنەمدەپ پايدالانۋعا ۇيرەتۋ كوزدەلەدى.
ۋاقىت ولشەۋىشتەرى: "كۇز، قىس، كوكتەم، جاز. نە وزگەرەدى؟" سۇراعىنا جاۋاپ بەرۋ. اي اتتارىن ۇيرەتۋ. ءار جىل مەزگىلىندە ءۇش اي بولاتىنى ايتىلادى. جىل مەزگىلدەرىنىڭ ۇلتتىق دۇنيەتانىممەن بايلانىسى، ادامنىڭ ءتورت ساۋساعى جىلدىڭ ءتورت مەزگىلى. سۇق ساۋساق — كوكتەم، ورتاڭعى ساۋساق — جاز، اتى جوق ساۋساق — كۇز، شىناشاق — قىس. ءار ساۋساقتىڭ ءۇش بۋىنى — ءۇش اي. اپتادا جەتى كۇن بار، اپتا كۇندەرىمەن تانىستىرۋ.
ۋاقىت. اي. اپتا. تاۋلىك. تاڭەرتەڭ. ساسكە. ءتۇس. بەسىن. كەش. ءتۇن. جۇكتەۋ