رەسەيلىك ارالاس جەكپە-جەك (مما) شەبەرى ماگومەد انكالايەۆ UFC ءتۋرنيرىنىڭ باستى جەكپە-جەگىندە وزبەكستان وكىلى بوگدان گۋسكوۆتى مەرزىمىنەن بۇرىن جەڭدى، دەپ حابارلايدى infohub.kz سايتى.
جەكپە-جەك بىرىككەن اراب امىرلىكتەرىنىڭ استاناسى ابۋ-دابيدەگى ءتۋرنيردىڭ باستى جەكپە-جەگى بولدى. انكالايەۆ بۇل جەكپە-جەككە جەڭىل اۋىر سالماق (93 كگ دەيىن) رەيتينگىنىڭ ءبىرىنشى ساتىسىندا تۇرىپ كەلگەن ەدى، ال گۋسكوۆ توعىزىنشى ورىندا ەدى. وزبەكستاندىق سپورتشى جاراقاتىنا بايلانىستى شىعىپ قالعان امەريكالىق حاليل راۋنتري-كىشىنى قىسقا ۋاقىت ىشىندە الماستىردى.
بەس راۋندتىق جەكپە-جەك مەرزىمىنەن بۇرىن اياقتالدى. انكالايەۆ ءار كەزەڭدى ۇتىپ وتىردى. سوڭعى راۋندتا ول پارتەردە باسىم پوزيسيا الىپ، گۋسكوۆ جاۋاپ بەرمەگەن سوققىلار سەرياسىن جاسادى. ءپاسسيۆتى قورعانىسىنا بايلانىستى تورەشى جەكپە-جەكتى توقتاتىپ، تەحنيكالىق نوكاۋت تىركەدى.
34 جاستاعى رەسەيلىك ءۇشىن بۇل جەڭىس برازيليالىق الەكس پەرەيرامەن رەۆانشتا جەڭىلىپ، جەڭىل اۋىر سالماقتاعى تيتۋلىنان ايىرىلعاننان كەيىنگى قايتا جاندانۋ بولدى. انكالاەۆتىڭ قورجىنىندا ءقازىر 21 جەڭىس، ەكى جەڭىلىس، ءبىر تەڭ ءتۇسۋ جانە ءبىر ناتيجەسىز جەكپە-جەك بار.
گۋسكوۆ UFC-دە ەكىنشى رەت جەڭىلدى. 33 جاستاعى وزبەكستاندىقتىڭ ەسەبىندە 18 جەڭىس، ءتورت جەڭىلىس جانە ءبىر تەڭ ءتۇسۋ بار.