UFC ۇيىمىنىڭ جەڭىل سالماقتاعى قازاقستاندىق فايتەرi اسۋ المابايەۆ Real American Freestyle (RAF) ەركىن كۇرەس پروموۋشەنىمەن كەلىسىمشارتقا وتىردى. بۇل تۋرالى ليگانىڭ ءباسپاسوز قىزمەتى حابارلادى.
جاڭادان 10 سپورتشىمەن كەلىسىمشارت جاساسقانىن مالىمدەگەن پروموۋشەننىڭ قاتارىندا اسۋ المابايەۆ تە بار.
ەندى 32 جاستاعى سپورتشى UFC-دە مما ەرەجەلەرىمەن عانا ەمەس، RAF ليگاسىندا ەركىن كۇرەستەن دە ب ا ق سىنايتىن بولادى.
اسۋ الماباەۆتىڭ RAF ليگاسىنداعى دەبيۋتى ازىرگە جوسپارلانباعان. ول كەلەسى جەكپە-جەگىن 27 ماۋسىمدا باكۋدەگى Crystal Hall ارەناسىندا UFC Fight Night 280 تۋرنيرىندە چارلز دجونسونعا قارسى وتكىزەدى.
ەستەرىڭىزگە سالا كەتەيىك، بۇعان دەيىن اسۋ المابايەۆ امەريكالىق الەكس پەرەستى ادەمى جەڭگەن بولاتىن. ءۇش راۋندقا جوسپارلانعان جەكپە-جەك مەرزىمىنەن بۇرىن اياقتالدى. ءۇشىنشى راۋندتا قازاقستاندىق فايتەر قارسىلاسىن اينالما سوققىمەن تاڭ قالدىرىپ، كەيىن «گيلوتينا» ادىسىمەن جەڭىسكە جەتتى.
ساۋىردە RAF ليگاسىندا ەركىن كۇرەستەن الەم چەمپيونى، قازاقستاندىق ريزابەك ايتمۇحان ونەر كورسەتكەن بولاتىن. الايدا، تيتۋلدىق جەكپە-جەگىندە ول اتى اڭىزعا اينالعان كايل سنايدەرگە ەسە جىبەردى.
سونداي-اق، سول تۋرنيردە UFCء-دىڭ ورتا سالماقتاعى چەمپيونى حامزات چيماەۆتىڭ دا RAF پروموۋشەنىمەن كەلىسىمشارتقا وتىرعانى بەلگىلى بولدى.