ۋگاندادا قايعىلى وقيعا بولدى: مەكتەپ اۆتوبۋسى قاتىسقان جول-كولىك اپاتىنان 20 بالا مەن ءبىر ەرەسەك ادام قازا تاپتى. پوليسيا بۇل وقيعاعا قاتىستى پىكىر ءبىلدىردى، دەپ حابارلايدى infohub.kz.
ۋگاندا پوليسياسىنىڭ وكىلى مايكل كانانۋرا ۆەدومستۆونىڭ ح الەۋمەتتىك جەلىسىندەگى رەسمي پاراقشاسىندا اۆتوبۋس وقۋشىلاردى سيپي سارقىراماسىنا تانىمدىق ەكسكۋرسياعا اپارعانىن ايتتى. قايتار جولدا جۇرگىزۋشى ءرۋلدىڭ باسقارۋىنان ايىرىلعان دەگەن بولجام بار. كولىك جولدان شىعىپ، جول جيەگىندەگى ۇلكەن تاسقا سوعىلىپ، اۋدارىلعان.
اپات سالدارىنان 20 وقۋشى مەن ءبىر ەرەسەك ەر ادام قازا تاپتى. تاعى ءۇش ەرەسەك ەر ادام مەن بىرنەشە ءجاسوسپىرىم ءتۇرلى دارەجەدەگى جاراقات الدى.
قازا تاپقانداردىڭ دەنەلەرى ءمايىتحاناعا جەتكىزىلىپ، ولاردى تانىستىرۋ ءۇشىن قاجەتتى راسىمدەر جۇرگىزىلەدى. وقيعانىڭ ءمان-جايىن انىقتاۋ ءۇشىن تەرگەۋ باستالدى.