Уэльс ханзадасы Уильям Британияның танымал «Грэм Нортон шоуына» күтпеген жерден қатысып, теледидар сұхбаттарының диванына отыруға батылдық танытты. Би-би-си бірінші арнасында жұма күні көрсетілетін алдын ала жазылған бағдарлама «Earthshot» сыйлығына арналған арнайы шығарылым болды, деп хабарлайды infohub.kz сайты.
Ханзада осылайша өзінің экологиялық бастамасын насихаттады. Жыл сайынғы марапаттау рәсімі келер айда Үндістанның Мумбай қаласында өтеді.
Уильям отбасының «The Celebrity Traitors» реалити-шоуын жақсы көретінін айтып қалды: «Мен оны жақсы көремін, отбасы да жақсы көреді. Шарлотта мен Луи оған қатты қызығып кеткен. Бұл шынымен тамаша теледидар». Айтпақшы, бұл жерде «Шарлотта мен Луи» деп ханзаданың балалары аталып отыр.
«Ист-Эндрес» сериалының жұлдызы Росс Кемптің «Traitors» шоуында көзге түспей тұрып ұсталып қалудан қорқатыны туралы әңгімеге келгенде, ханзада әзілдеп: «Бірінші эпизодтан кейінгі күні Росс Кемпті көрдім, оған тиіп көруге, оның қандай реакция беретінін білуге тырыспай тұра алмадым — әрине, ең лайықты түрде. Ол шынымен де қатты секіргіш болып шықты!» — деді.
Теледидар сұхбаттарының диванына отырған тұңғыш корольдік отбасы мүшесі ретінде Уильям музыка мен кино арқылы көңіл көтеретінін де айтты. «Мен терең ойлы фильмдерге сүңгіп кетуді жақсы көремін. Экшн фильмдерді де ұнатамын, бірақ сәл басқаша нәрсені қалаймын. Кристофер Ноланның барлық жұмысының үлкен жанкүйерімін. Оның фильмдері керемет — «Қараңғы рыцарь» сериясы психологиялық тұрғыдан қараңғы әрі терең, маған бұл қатты ұнайды. Ол мүлдем ерекше концепцияларды алып, оларды керемет тартымды етеді», — деп бөлісті ол.
Онымен бірге диванда актерлер Кейт Бланшетт пен Ханна Уоддингем, сондай-ақ эколог Роберт Ирвин отырды. Олардың барлығы 2020 жылы Уильям құрған, планетаны сақтауға көмектесетін мәселелер мен идеяларды тануға және марапаттауға бағытталған «Earthshot» сыйлығына қатысты.
Ханзада Нортон мен қонақтарға сыйлықтың пайда болу тарихы және оның әлемдегі инноваторларды анықтау мен қолдаудағы рөлі туралы әңгімеледі. «Көп жылдар бойы экологиялық мәселелер туралы әңгімелер естідім, мені бір нәрсе қатты әсер етті — бұл негатив пен үмітсіздік, ол менің көңілімді түсірді. Біз одан да күштірек және оптимистік нәрсе жасай аламыз деп ойладым, сөйтіп марапаттау рәсімі деген идея пайда болды, біз шұғылдық пен оптимизмді бірге айта аламыз. Бұл — қуану туралы», — деді ол.