ءۇندىستاننىڭ اسسام شتاتىنداعى سۋ تاسقىنىنان قازا تاپقاندار سانى 78-گە جەتتى. ستيحيادان شامامەن 332 مىڭ جەرگىلىكتى تۇرعىن زارداپ شەككەن، دەپ حابارلايدى infohub.kz.
Hindi News 18 باسىلىمىنىڭ اۋدارماسىنا سايكەس، سارسەنبى كۇنى اسسامداعى سۋ تاسقىنىنان تاعى ءۇش ادام قازا تاپتى. وسىلايشا، قۇربانداردىڭ جالپى سانى 78-گە جەتتى.
ستيحيا شتاتتىڭ جەتى اۋدانىن قامتىدى: شيۆاساگار، چارايدەو، گولاگحات، دجورحات، ناگاون، بيسۆانات جانە كامرۋپ قالالىق وكرۋگى. شامامەن 332 مىڭ ادام زارداپ شەكتى، 16 مىڭنان استامى ۋاقىتشا ورنالاستىرۋ پۋنكتتەرىندە.
توتەنشە قىزمەتتەردىڭ جۇمىسىنا قاراماستان، اپات ايماعىندا 300 مىڭعا جۋىق تۇرعىن قالىپ وتىر. اسسامدا سۋ تاسقىندارى مۋسسون ماۋسىمىندا جىل سايىن دەرلىك بولادى، ءبىراق بيىل سۋ ەرەكشە تەز كوتەرىلىپ، بۇرىن از وسال دەپ سانالعان اۋدانداردى باسىپ قالدى.
19 شىلدەدە اسسام مەن كورشىلەس ناگالەند شتاتىنا قاتتى نوسەر جاۋدى. سونىڭ سالدارىنان ديكحوۋ، ديسانگ جانە دحانسيري وزەندەرى ارناسىنان اسىپ، جۇزدەگەن ەلدى مەكەندى سۋ باستى.
«جوعارعى اسسامنىڭ كەيبىر اۋداندارىندا سۋ دەڭگەيى سوڭعى 50 جىلدا بولماعان بيىكتىككە جەتتى»، — دەدى شتاتتىڭ باس ءمينيسترى حيمانتا بيسۆا سارما.