«سەمەي ورمانى» مەملەكەتتىك ورمان تابيعي قورىعىندا قۇندى اعاش تۇرلەرىن زاڭسىز كەسىپ، كەيىن ساتۋعا بايلانىستى جەمقورلىق سحەماسى اشىلدى. ۇلتتىق قاۋىپسىزدىك كوميتەتى باس پروكۋراتۋرامەن بىرلەسىپ، جەرگىلىكتى لاۋازىمدى تۇلعالاردىڭ قىلمىستىق تەتىك قۇرعانىن انىقتادى، دەپ حابارلايدى infohub.kz سايتى.
تەرگەۋ دەرەگىنشە، قورىقتىڭ باسشى قىزمەتكەرلەرى تۇراقتى اقشالاي سىياقى ءۇشىن كاسىپكەرلەرگە ەڭ قۇندى ءارى ءوتىمدى ورمان القاپتارىنا كەدەرگىسىز قول جەتكىزۋگە مۇمكىندىك بەرگەن — ولاردى قۇرتۋ جانە كەسۋ ءۇشىن.
ءتىنتۋ بارىسىندا ۇقك جەدەل قىزمەتكەرلەرى بۋحگالتەرلىك قۇجاتتاردى، سونداي-اق «قارا بۋحگالتەريانى» — كەسىلەتىن ورمان كۆارتالدارىن ءبولۋ مەن قىلمىستىق توپ مۇشەلەرى اراسىندا قولما-قول اقشا بەرۋ سحەمالارى جازىلعان قولجازبا جازبالاردى تاركىلەدى.
الدىن الا ءسوز بايلاسۋ بويىنشا ادامدار توبىنىڭ نە اسا ءىرى مولشەردە پارا الۋى فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 366-بابىنىڭ 3-بولىگى بويىنشا سوتقا دەيىنگى تەرگەۋ باستالدى. كىنالىلەرگە ءىرى كولەمدە ايىپپۇل نە مۇلكى تاركىلەنىپ، 7 جىلدان 12 جىلعا دەيىن باس بوستاندىعىنان ايىرۋ جازاسى جانە مەملەكەتتىك قىزمەتتە لاۋازىم اتقارۋ قۇقىعىنان ءومىر بويى ايىرۋ ءقاۋپى ءتونىپ تۇر.
ايتا كەتەيىك، قىركۇيەك ايىنىڭ باسىندا قازاقستاندى ورمان ورتتەرى قاپتادى. ەكى وشاق قوستاناي وبلىسىندا تىركەلدى. ءبىر-بىر ءورت شىعىس قازاقستان، قاراعاندى جانە پاۆلودار وبلىستارىندا، سونداي-اق «سەمەي ورمانى» قورىعىنىڭ اۋماعىندا تىركەلدى.