ۇجىمدىق قاۋىپسىزدىك شارتى ۇيىمىنىڭ (ۇقشۇ) باس حاتشىسى تاالاتبەك ماسادىقوۆ قازاقستاندا جاقىن ارادا ۇشقىشسىز ۇشۋ اپپاراتتارىنان نىسانداردى قورعاۋ داعدىلارىن پىسىقتاۋعا باعىتتالعان وقۋ-جاتتىعۋ وتەتىنىن حابارلادى، دەپ حابارلايدى infohub.kz سايتى.
ماسادىقوۆ باسىلىمداردىڭ بىرىنە بەرگەن سۇحباتىندا ۇقشۇ-عا مۇشە ەلدەردىڭ درون شابۋىلدارىنا قارسى ءىس-قيمىل شارالارى تۋرالى ايتتى. ونىڭ ايتۋىنشا، نىسانداردى ۇشقىشسىز ۇشۋ اپپاراتتارىنان قورعاۋ ماسەلەسى الداعى كۇزگى وقۋ-جاتتىعۋلاردىڭ باعدارلاماسىنا ەنگىزىلگەن، ولار الدىمەن قازاقستاندا وتەدى.
«نىسانداردى ۇشقىشسىز ۇشۋ اپپاراتتارىنان قورعاۋ ماسەلەسى كوتەرىلدى. بيىل قىركۇيەكتە قازاقستاندا "رۋبەج-2026" وقۋ-جاتتىعۋى وتەدى، قىركۇيەكتىڭ سوڭى – قازاننىڭ باسىندا رەسەيدە "ۆزايمودەيستۆيە-2026" وقۋ-جاتتىعۋى، سودان كەيىن قازاندا بەلارۋستە "نەرۋشيموە براتستۆو" وقۋ-جاتتىعۋى وتەدى. ءبىزدىڭ ۇيىمعا مۇشە ەلدەردىڭ قورعانىس ۆەدومستۆولارىنىڭ ءوتىنىشى بويىنشا بۇل ماسەلە ەنگىزىلدى»، – دەدى ول.
ماسادىقوۆ بارلىق ەلدەر سوعىس جۇرگىزۋدىڭ وزگەرگەن نىساندارىنا بەيىمدەلۋگە تىرىسىپ جاتقانىن اتاپ ءوتتى. ونىڭ پىكىرىنشە، بۇل وتە دۇرىس جانە ۇقشۇ-نىڭ اسكەري قۇرامداس بولىگى بويىنشا بۇگىنگى كۇننىڭ ەڭ وزەكتى ماسەلەلەرىنىڭ ءبىرى.