ۋكراينا پرەزيدەنتى ۆلاديمير زەلەنسكي كيەۆتىڭ اقش ۇسىنعان 30 كۇندىك اتىستى توقتاتۋ تۋرالى باستامانى قولداعانىن راستادى. بۇل تۋرالى ول ءوز ۇندەۋىندە حابارلادى.
زەلەنسكيدىڭ ايتۋىنشا، ۋكراينا مەن اقش دەلەگاسيالارى ساۋد ارابياسىندا كەلىسسوزدەر جۇرگىزىپ، ۆاشينگتون كيەۆكە ۋاقىتشا بەيبىتشىلىك ورناتۋ تۋرالى ۇسىنىس جاساعان.
«بۇل تەك زىمىراندار مەن درونداردىڭ شابۋىلىن توقتاتۋدى عانا ەمەس، قارا تەڭىزدەگى جانە بارلىق مايدان شەبىندەگى اتىستى دوعارۋدى دا قامتيدى. ۋكراينا بۇل ۇسىنىستى قابىلدادى. ءبىز بۇنى وڭ قادام دەپ سانايمىز جانە وعان دايىنبىز. ەندى اقش رەسەيدى وسى كەلىسىمگە كوندىرۋى كەرەك. ەگەر ماسكەۋ كەلىسسە، وندا 30 كۇندىك تىنىشتىق كەزەڭى باستالادى»، – دەدى زەلەنسكي.
سونداي-اق، كەلىسسوزدەر بارىسىندا اقش-تىڭ ۋكرايناعا اسكەري كومەكتى قايتا قالپىنا كەلتىرۋگە، بارلاۋ مالىمەتتەرىمەن بولىسۋگە دايىن ەكەنى ايتىلعان. زەلەنسكي كيەۆتىڭ بەيبىتشىلىككە ۇمتىلاتىنىن تاعى دا اتاپ ءوتتى.
قازىرگى ۋاقىتتا بۇل باستاماعا رەسەيدىڭ قانداي رەاكسيا بىلدىرەتىنى بەلگىسىز.