ۋكراينا باس پروكۋرورى رۋسلان كراۆچەنكو ءتيىستى ءوتىنىش بەرىپ، وتستاۆكاعا كەتەتىنىن مالىمدەدى. بۇل شەشىمدى ول ءوزىنىڭ Telegram-ارناسىندا ءتۇسىندىردى، دەپ حابارلايدى infohub.kz سايتى.
كراۆچەنكو ءوز شەشىمىن ساياسي جانە سانالى دەپ اتاپ، باس پروكۋرور لاۋازىمى ساياسي قارسىلىق قۇرالى رەتىندە پايدالانىلعانىن قالامايتىنىن ايتتى. ول سونداي-اق ايىپتاۋلارعا قاتىستى ۇستانىمى وزگەرىسسىز قالاتىنىن جەتكىزدى.
ول پرەزيدەنت پەن جوعارعى راداعا العىسىن ءبىلدىرىپ، وتستاۆكاسىن قابىلداۋدى سۇرادى. وتىنىشىندە ول ادال جۇمىس ىستەپ، سوتتاردا ايىپتاۋدى بىلدىرەتىن، جابىرلەنۋشىلەرمەن جۇمىس ىستەيتىن، رەسەيلىك قىلمىستاردى قۇجاتتايتىن جانە مەملەكەت مۇددەسىن قورعايتىن ارىپتەستەرىنە دە العىس ايتىپ، ولاردىڭ ەڭبەگى ەشقاشان قۇنسىزدانباۋى كەرەكتىگىن اتاپ ءوتتى.
DW مالىمەتىنشە، بۇل مالىمدەمە الاياقتىق كولل-ورتالىقتار ءىسى بويىنشا تىنتۋلەردەن كەيىن سىبايلاس جەمقورلىق داۋى اياسىندا جاسالدى. جەرگىلىكتى ب ا ق 7 قىركۇيەكتە ۆلاديمير زەلەنسكي كراۆچەنكو جانە «حالىق قىزمەتشىسى» فراكسياسىنىڭ ءتوراعاسى داۆيد اراحاميامەن كەزدەسىپ، رۋسلان كراۆچەنكونىڭ لاۋازىمدا قالۋ پەرسپەكتيۆالارى تالقىلانعانىن حابارلادى.