ۋكراينا ۇلتتىق قاۋىپسىزدىك قىزمەتى (سبۋ) رەسەيدىڭ «كولەڭكەلى فلوتىنا» قاراستى Avero تانكەرىنە قارا تەڭىزدە جانە ستاۆروپول ولكەسىندەگى ءۇش مۇناي بازاسىنا ءساتتى شابۋىل جاسالعانىن حابارلادى. سوققىلار سالدارىنان نىسانداردا ءىرى ورتتەر شىقتى، دەپ حابارلايدى infohub.kz.
ۋكراينا ارنايى قىزمەتىنىڭ مالىمەتىنشە، Avero تانكەرى ۋكراينالىق سانكسيالار تىزىمىندە بولىپ، G7 جانە ەۋروپالىق وداق بەلگىلەگەن حالىقارالىق شەكتەۋلەردى اينالىپ ءوتىپ، رەسەيلىك مۇنايدى تاسىمالداۋ ءۇشىن پايدالانىلعان. كەمە شيكىزاتتى، اتاپ ايتقاندا، جۇڭگو مەن ءۇندىستانعا جەتكىزگەن.
تانكەرگە شابۋىل جاساۋ ءۇشىن سبۋ-دىڭ «ماماي» تەڭىز درونى قولدانىلعان. سبۋ-دا Avero سوڭعى ون كۇن ىشىندە ۋكراينالىق ارنايى قىزمەت شابۋىل جاساعان Suezmax كلاسىنداعى ءتورتىنشى تانكەر بولعانىن اتاپ ءوتتى.
تەڭىز وپەراسياسىنان باسقا، ۋكراينالىق دروندار ستاۆروپول ولكەسىندەگى ۋكراينا مەملەكەتتىك شەكاراسىنان شامامەن 600 شاقىرىم جەردە ورنالاسقان ءۇش مۇناي بازاسىن سوققىعا الدى. سبۋ-دىڭ حابارلاۋىنشا، نىسانداردا بىرنەشە جارىلىستان كەيىن جانار-جاعارماي ماتەريالدارى بار رەزەرۆۋارلار ورتەنىپ، ءىرى ورتتەر تۋدىرعان.