ۋكراينانىڭ 2027 جىلدىڭ باسىندا ەۋروپالىق وداققا كىرۋى مۇمكىن ەمەس. بۇل تۋرالى ەو-نىڭ كەڭەيۋ ماسەلەلەرى جونىندەگى كوميسسارى مارتا كوس ۋكراينا پرەزيدەنتى ۆلاديمير زەلەنسكيدىڭ نيەتىن تۇسىندىرگەندە مالىمدەدى، دەپ حابارلايدى infohub.kz سايتى.
«2027 جىلعى 1 قاڭتار دەگەن كۇندى پرەزيدەنت زەلەنسكي بەلگىلەگەن ەدى. كىرۋ ەڭبەگىنە قاراي قاعيداتىنا نەگىزدەلەدى: بۇل كۇننىڭ مۇمكىن ەمەستىگى انىق»، — دەپ كەلتىرەدى ونىڭ ءسوزىن Corriere della Sera باسىلىمىنا بەرگەن سۇحباتىندا.
مارتا كوس ايتۋىنشا، گەوساياسي احۋالدىڭ وزگەرۋىنە بايلانىستى كوپتەگەن ەل ءۇشىن، تەك ۋكراينا ءۇشىن عانا ەمەس، ەو-عا كىرۋ باسىم مىندەتكە اينالدى. ول قوسىلۋ ماسەلەسىندە بىردە-بىر كانديداتتىڭ ارتىقشىلىعى جوق ەكەنىن اتاپ ءوتتى. سونىمەن قاتار كوميسسار ۋكراينانىڭ قازىرگى جاعدايىن ەسكەرۋگە شاقىردى. «سوندىقتان دا ءبىز وعان كومەكتەسۋگە مىندەتتىمىز»، — دەپ قوستى كوس.
ەو كوميسسارى سونداي-اق اعىمداعى جىلدىڭ سوڭىنا دەيىن ۋكراينانىڭ ەۋروپالىق وداققا كىرۋى تۋرالى كەلىسسوزدەردىڭ بارىنشا كوپ كلاستەرى اشىلادى دەپ ۇمىتتەنەتىنىن جەتكىزدى.
ەسكە سالايىق، جىل باسىندا ۋكراينا پرەزيدەنتى ۆلاديمير زەلەنسكي ەل ەۋروپالىق وداققا كىرۋدى جوسپارلاپ وتىرعانىن جانە مۇنى 2027 جىلى-اق جاساۋعا نيەتتى ەكەنىن مالىمدەگەن. ول سونداي-اق بەيبىت كەلىسىمدە وداققا كىرۋدىڭ ناقتى كۇنىن جازىپ قويۋدى تالاپ ەتكەن.
ماۋسىمدا ەۋروكوميسسيا باسشىسى ۋرسۋلا فون دەر ليايەن ەو-نىڭ بارلىق ەلى ۋكراينانىڭ ەۋروپالىق وداققا قوسىلۋى تۋرالى كەلىسسوزدەردى باستاۋدى ماقۇلداعانىن مالىمدەگەن.