ۋكراينا جەكسەنبى كۇنى رەسەي اۋماعىنا جۇزدەگەن درون ۇشىرىپ، سوعىس باستالعالى بەرگى ەڭ ءىرى اۋە شابۋىلىنىڭ ءبىرىن جاسادى. بۇل شابۋىلدا كەمىندە التى ادام قازا تاپتى.
رەسەي قورعانىس مينيسترلىگىنىڭ مالىمەتىنشە، ءتۇن ىشىندە 822 ۋكراين درونى جويىلعان. ماسكەۋ مەرى سەرگەي ءسوبيانيننىڭ ايتۋىنشا، استاناعا قاراي 600-گە جۋىق درون ۇشقان، ونىڭ ۇشتەن ءبىرى ماسكەۋ وبلىسىنىڭ ۇستىندە جويىلعان.
ماسكەۋ وبلىسىنىڭ گۋبەرناتورى اندرەي ۆوروبەۆتىڭ حابارلاۋىنشا، ۋكراين درونى جەكە تۇرعىن ۇيگە سوقتىعىپ، 83 جاستاعى ەر ادام قازا تاپقان. سونداي-اق ول ۋكراين شابۋىلى رەسەيدىڭ ءىرى ساۋدا جەلىسى Wildberriesء-تىڭ قويماسىندا ءورت تۋدىرعانىن راستادى.
رەسەي باق-تارى پودولسك قالاسىنان تاراتقان سۋرەتتەردە الاڭنان قارا ءتۇتىن باعانالارى كوتەرىلگەنى كورىنەدى.
رەسەيدىڭ وڭتۇستىك-باتىسىنداعى روستوۆ وبلىسىندا دا بەس ادام قازا تاپتى. وبلىس گۋبەرناتورى يۋري سليۋساردىڭ ايتۋىنشا، ءۇش قالا شابۋىلعا ۇشىراعان.