ۋكراينانىڭ جوعارعى راداسى پرەمەر-مينيستر يۋليا سۆيريدەنكونىڭ وتستاۆكاسىنا داۋىس بەردى. بۇل بۇكىل ۇكىمەتتىڭ وتستاۆكاعا كەتۋىنە اكەپ سوقتى. بۇل تۋرالى ۋنيان اگەنتتىگى حابارلادى، دەپ جازادى infohub.kz.
12 شىلدەدە ۋكراينا پرەزيدەنتى ۆلاديمير زەلەنسكي مينيسترلەر كابينەتىن جاڭارتۋدى جاريالاپ، پرەمەر-مينيستر يۋليا سۆيريدەنكوعا جاڭا لاۋازىم ۇسىنىلاتىنىن مالىمدەدى. ونىڭ ايتۋىنشا، بۇل ۋكراينانىڭ ساياسي ستراتەگياسىن وزگەرتەدى. پرەزيدەنتتىڭ سوزىنشە، سىرتقى ساياساتتىڭ ءاربىر باسىم باعىتىن ناقتى ءبىر ادام باسقارادى. ول ۇلكەن تاجىريبەگە يە جانە ۋكراين حالقى كۇتكەن ناتيجەگە قول جەتكىزە الاتىن ادام بولۋى ءتيىس.
13 شىلدەدە يۋليا سۆيريدەنكونىڭ پرەمەر-مينيستر لاۋازىمىنان كەتۋ تۋرالى ءوتىنىشى جوعارعى راداعا ءتۇستى. ونىڭ وتستاۆكاسىنا 450 دەپۋتاتتىڭ 258ء-ى داۋىس بەردى.
«ۋكراينسكايا پراۆدا» دەرەككوزدەرىنىڭ مالىمەتىنشە، پرەمەر-مينيستر قىزمەتىنەن كەتكەننەن كەيىن يۋليا سۆيريدەنكو ۋكراينانىڭ اقش-تاعى ەلشىسى بولۋ ۇسىنىسىنان باس تارتتى.
ەكس-پرەمەرگە جاقىن دەرەككوزدەردىڭ ايتۋىنشا، ول مينيسترلەر كابينەتىندەگى جۇمىسىنان كەيىن ءوز بولاشاعى تۋرالى ءالى شەشىم قابىلداعان جوق.