Heگe ويلايسىڭ، قۇلىنشاعىم؟
He مۇڭىڭ بار، ايت، قاراعىم!
جاسسىڭ، ويعا اۋەس بولما،
وي جەتكىزبەس، ول - ءبىر ساعىم!
ۇلعايارسىڭ، ءوزى-اق باسار،
جاستىق - كۇلىپ-وينار شاعىڭ.
ءىش پىسسا - مالدى ارالا،
ءجۇر عوي شاۋىپ قۇلىنشاعىڭ!
- جوق، بارمايمىن، اپا، مالعا،
كەتەم الىس، شىعام اڭعا!
- شەرىڭ بولسا، دومبىراڭدى ال،
دومبىراڭدى ال، ءان شىرقاپ سال.
داۋسىڭدى ەستىپ، جاس سۇلۋلار
تالىپ جۇتسىن ءتاتتى ۋلى بال.
بەتتەرىڭنەن قان تامىپ تۇر،
تال قىزىعادى بويىڭا تال.
Heگe ويلىسىڭ، ەركە مارقام،
ءبىر قاراكوز بولماي ما جار؟
- قارامايمىن، اپا، جارعا،
كەتەم الىس، شىعام اڭعا!
- سەنى تاپقان مەن اناڭ عوي،
قاراشىعىم، سەن بالام عوي!
الىس جولعا كەتسەڭ، قوزىم،
كۇتىپ، كۇيىپ، مەن جانام عوي.
قارت كۇنىمدە سەنسىز، ساۋلەم،
ساعىنىپ سەنى، سارعايام عوي.
مەنى دەسەڭ، ەركەتايىم،
كەتپە الىسقا، قوي، بالام، قوي
- رەنجىمە، اپا، كۇتپە، جانبا،
كەتەم الىس، شىعام اڭعا.
كەتتى الىسقا - شىعىپ اڭعا!..
جولاۋشىلىق جەلگە تاڭ با؟
مالىڭ، جارىڭ، تۋىسقانىڭ
بايلاۋ بولماس جۇيرىك جانعا!
كەتىپ بارا جاتقانىندا،
جاۋ كەز كەلدى جالعىز جانعا.
نايزالاستى، قىلىشتاستى،-
ۇلان ءولدى باتىپ قانعا،
ۇلان ءولدى باتىپ قانعا،
تىنىشتىق تاپتى اساۋ جان دا.

---