ۇلگەرىمى تومەن وقۋشىلارمەن جۇمىس پاپكاسى

ۇلگەرىمى تومەن وقۋشىلارمەن جۇمىس پاپكاسى
"ەگەر بالا بۇزاقى بولسا، وندا وعان بالا كىنالى ەمەس. پەداگوگيكالىق ادىستەر كىنالى"
ا. س. ماكارەنكو.

ۇلگەرىمى تومەن وقۋشىلارمەن جۇمىس
ماقساتى: ۇلگەرىمى تومەن وقۋشىلارمەن جىل بويى جۇمىس جۇرگىزە وتىرىپ، قابىلەتى تومەن وقۋشىلاردىڭ جەكە تۇلعالىق مۇمكىندىكتەرىن اشۋعا كومەكتەسۋ، پانگە دەگەن قىزىعۋشىلىعىن ارتتىرۋ، مەملەكەتتىك ءبىلىم ستاندارتىن مەڭگەرتۋ.

مىندەتتەرى: 1. ءار سىنىپتاعى ۇلگەرىمى تومەن وقۋشىلاردى انىقتاۋ.
2. مەملەكەتتىك ءبىلىم ستاندارتىن مەڭگەرتە وتىرىپ، جىل بويى جۇمىس جۇرگىزۋ ارقىلى ۇلگەرىمىن جوعارىلاتۋ.
3. ۇلگەرىمى تومەن وقۋشىلارعا پسيحولوگيالىق – پەداگوگيكالىق كومەك كورسەتۋ.

نەگىزگى پرينسيپ: ناقتى بالامەن جەكە سىيلاستىق جانە سەنىمدى قارىم – قاتىناس ورناتۋ.
بولجامداپ وتىرعان ناتيجە: وقۋ باعدارلاماسىنا ساي ءبىلىمدى ءوز دارەجەسىندە مەڭگەرگەن، ۇلتتىق سانا سەزىمى جەتىلگەن جانە ىشكى جان دۇنيەسىن تانۋعا، ءوزىن وزگەلەرمەن سالىستىرۋعا مۇمكىندىگى قالىپتاسقان تۇلعا.

پسيحولوگتار مەن پەداگوگتاردىڭ زەرتتەۋلەرى بويىنشا بالانىڭ وقۋىنا ءۇش فاكتور سەبەپشى بولادى ەكەن.

بىرىنشىدەن، بۇعان قوعامدىق جاعداي مەن ومىردەگى تۇرمىس جاعدايى سەبەپشى بولادى.
ەكىنشىدەن، بالالاردىڭ مىنەز - قۇلقىنداعى جاعىمسىز ەرەكشەلىكتەرى مەن پسيحيكاسىنىڭ وزگەشە قالىپتاسۋىنان نەمەسە قالىپتى نورمادان اۋىتقۋى.
ۇشىنشىدەن، پەداگوگيكالىق تاربيەنىڭ دۇرىس بولماۋى.

«ۇلگەرمەۋشى بالالاردى قالاي تاربيەلەۋگە بولادى؟» دەگەن وزىمە قويا وتىرىپ مىناداي
جۇمىس جوسپارىن جاسادىم.
وقۋشى ۇلگەرمەۋشىلىگىنىڭ سەبەپتەرى:
- جەكەلەگەن مۇعالىمدەردىڭ ساباقتارىنىڭ جان - جاقتى اقپاراتتى بولماۋى، جاڭا ماتەريالدى تيىسىنشە قىزىقتى وتكىزە الماۋى، بەكىتۋ جۇمىسىنىڭ ءالسىز ءجۇرۋى، وقۋشى ءبىلىمىن ەسەپكە الۋدىڭ بولماۋى، اتا - انانىڭ بالانىڭ ساباعىنا قاراماۋى؛
- ءۇي تاپسىرماسىن ورىنداۋ جۇمىسىن دۇرىس ويلاستىرماۋ جانە تىڭعىلىقتى تەكسەرۋدىڭ بولماۋى؛
- مۇعالىمدەردىڭ ءوز وقۋشىلارىنىڭ بويىنان تەك ۇزدىك وقۋشىنىڭ پسيحولوگياسىن كورىپ بالالاردىڭ جانىنا تەرەڭ ۇڭىلمەۋى تاپسىرمانى ورىنداۋدا سەنىمسىزدىگى دۇرىس بىلمەۋى، جەكە جۇمىستىڭ بولماۋى، تانىمدىق قىزىعۋىن دامىتا الماۋى؛
تاربيە جۇمىسىنداعى ولقىلىقتار، وقۋشىلاردىڭ ساباقتاعى ناشار ءتارتىبى، ءوز مىندەتتەرىن سانالى تۇردە تۇسىنبەۋى.
باعالاۋداعى ءبىرجاقتىلىق؛
وقىتۋ مەن تاربيە ۇردىسىندە اتا - انانىڭ ءوز مىندەتىنە دۇرىس قاراماۋى جانە ساباقتاستىقتىڭ بولماۋى؛
ساباقتان ءجيى قالۋى؛
وقۋشىنىڭ اۋىرىپ قالۋى؛

جامبىل اتىنداعى ورتا مەكتەپ
تاريح ءپانىنىڭ ءمۇعالىمى: دجۋمابەكوۆ دانيار امانكۋلوۆيچ
ۇلگەرىمى تومەن وقۋشىلارمەن جۇمىس پاپكاسى. جۇكتەۋ