ۇلىبريتانيا پوليسياسى اقش اۋە كۇشتەرى پايدالاناتىن اۋە بازاسىنىڭ ماڭىندا بەس ەر ادامدى تەرروريستىك اكت دايىندادى دەگەن كۇدىكپەن ۇستادى. تەرروريزمگە قارسى كۇرەس بولىمشەلەرى بازادا نە بولعانىن انىقتاۋ جۇمىسىن جۇرگىزىپ جاتىر دەپ حابارلايدى infohub.kz سايتى.
ۇستالعان بەس ادام «جارىلعىش زاتتار تۋرالى» زاڭ بويىنشا دا قۇقىق بۇزۋشىلىق جاسادى دەگەن كۇدىككە ىلىكتى.
بۇعان دەيىن اتالعان اۋە بازاسىنىڭ ماڭىنداعى جولدى پوليسيا قىزمەتكەرى جاۋىپ تاستاعانى تۋرالى اقپارات تاراعان. وقيعا ورنى گلوستەرشير گرافتىعىنداعى فەرفورد ەلدى مەكەنىندەگى اۋە بازاسى.
تەرگەۋ جۇمىستارى جالعاسىپ جاتىر، قوسىمشا مالىمەت ازىرگە جاريالانعان جوق.