ۇلىتاۋ وبلىسىندا 165 قويدى يەمدەنىپ، ولاردى ساتپاق بولعان باقتاشى ۇستالدى، دەپ حابارلايدى infohub.kz سايتى.
ءىىم ۆەدومستۆولىق سايتىنىڭ مالىمەتىنشە، وقيعا جاڭاارقا اۋدانىندا بولعان. تەرگەۋ دەرەكتەرى بويىنشا، كۇدىكتى مالدىڭ زاڭدى يەسىمىن دەپ تانىستىرىپ، كورشى قىستاقتان قويلاردى ءوز قوراسىنا ايداپ اكەلگەن. سودان كەيىن ول ەشنارسەدەن حابارسىز ساتىپ الۋشىلارمەن كەلىسىپ، 165 قويدى باسقا وڭىرگە جونەلتۋ ءۇشىن جۇك كولىگىنە تيەگەن.
مال يەسى بۇكىل تابىنىنىڭ جوعالعانىن انىقتاپ، دەرەۋ پوليسياعا حابارلاسقان. جاڭاارقا اۋدانى پوليسيا قىزمەتكەرلەرى جەدەل-ىزدەستىرۋ ءىس-شارالارىن باستاپ، كوپ ۇزاماي كۇدىكتىنىڭ ىزىنە تۇسكەن. ىزدەۋ بارىسىندا ۇرلانعان مالدىڭ جامبىل وبلىسىنا قاراي بەت العانى انىقتالعان، دەپ حابارلادى پوليسيا.
ۇلىتاۋ وبلىسى پوليسيا دەپارتامەنتىنىڭ قىزمەتكەرلەرى جەدەل ارەكەت ەتىپ، تارازداعى مال بازارىنان ساتىپ الۋشىلاردى تاپقان. ناتيجەسىندە بارلىق 165 قوي الىنىپ، زاڭدى يەسىنە قايتارىلعان. قازىرگى ۋاقىتتا وسى فاكتى بويىنشا سوتقا دەيىنگى تەرگەۋ جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالعان.
مال ساتىپ الۋ نەمەسە ساتۋ كەزىندە مەنشىك قۇقىعىن راستايتىن قۇجاتتاردى، سونداي-اق ۆەتەريناريالىق قۇجاتتاردى مۇقيات تەكسەرىڭىز، دەلىنگەن حابارلامادا.