ۇلتتىق كيىمدەر

ساباق تاقىرىبى: ۇلتتىق كيىمدەر

ساباق ماقساتى: 1. وقۋشىلاردى حالىقتىڭ وتكەن تاريحىنا كوز جىبەرە وتىرىپ، ءوي-ورىسىن، ۇلتتىق ونەرگە، كيىمگە قىزىعۋشىلىعىن وياتۋ.
2. ۇلتتىق كيىمدەردىڭ تۇرىمەن، كيىمگە سالاتىن ويۋ تۇرىمەن تانىسۋ.
3. ءداستۇردى ناسيحاتتاۋ، ادەمىلىككە، سۇلۋلىققا تاربيەلەۋ.

ساباقتىڭ كورنەكىلىگى: دايىن كيىمدەر، زەرگەرلىك بۇيىمدار، ءتۇرلى قاعاز بەن جەلىم.
ءپانارالىق بايلانىس - انا ءتىلى، بەينەلەۋ، مۋزىكا.

ساباقتىڭ ءتۇرى: ساراماندىق
ساباقتىڭ ءادىسى: ءتۇسىندىرۋ، جاساپ كورسەتۋ
ساباقتىڭ بارىسى:
1. ۇيىمداستىرۋ كەزەڭى.
2. ءۇي تاپسىرماسىن سۇراۋ.
3. جاڭا ساباقتى ءتۇسىندىرۋ.
جاڭا ساباقتى ءتۇسىندىرۋ كەزەڭى:

قازاقتىڭ ۇلتتىق كيىمدەرىنە
1 - ۇكىلى تاقيا
2 - كويلەك
3 - قامزول
4 - ەتىك
5 - كەبىس
6 - تىماق
7 - شاپان
ەر ادامداردىڭ سىرت كيىمدەرىنىڭ ءبىرى - شاپان. ول ويۋ - ورنەگى جانە كەستەسىمەن، باسقا حالىققا ۇقسامايتىن كيىم ۇلگىسىمەن ەرەكشەلەنەدى. ۇلتتىق كيىمدەر زەرمەن كومكەرىلگەن ويۋ-ورنەكتەر، باعالى تاستارمەن اشەكەيلەنەدى زەر – ءسان بۇيىمدارىن جاساۋعا پايدالاناتىن ادەمى، سارى ءتۇستى ءجىپ.
ەر ادامدار تاقيا، بورىك، تىماق، قالپاق كيگەن. تىماق پەن بورىكتى سەڭسەڭنەن، اڭ تەرىلىرىنەن جاساپ، بارقىت قىلسىم، اتلاسپەن تىستايدى. تىشوڭ بورىكتەردىڭ بىرنەشە ءتۇرى بار. تىماق – قازاقستاننىڭ سولتۇستىك ايماقتارىندا قىس وتە سۋىق بولعاندىقتان، شوپاندار مەن جىلقىشىلار ءۇشىن تاپتىرمايتىن باس كيىم. ال جازدىڭ ىستىق كۇندەرىندە تاقيا كيگەن دۇرىس. ەرلەر كيەتىن تاقيالار «ءقوشقارمۇيىز»، «شىرماۋىق» ورنەكتەرىمەن كەستەلەنەدى. سىرت كيىمدەر مودەلىن سۋرەتتە كورسەتىلگەن ۇلگى بويىنشا قۇراستىرىڭدار.
جاڭا ماتەريالدى مەڭگەرگەنىن تەكسەرۋ كەزەڭى:
1. وقۋشىلارعا وقىتۋ؛ ىشتەي، داۋىستاپ - تىزبەكتەي
2. ءوز بەتىنشە قازاق حالقىنىڭ كيىم ۇلگىلەرىن جاساۋ.
3. كورمە ۇيىمداستىرۋ.

قورىتىندىلاۋ: قازاق حالقىنىڭ قانداي ۇلتتىق كيىمدەرىن بىلەسىڭ بە؟ ەرلەردىڭ باس كيىمدەرىنىڭ قانداي تۇرلەرىمەن تانىستىڭ؟
ۇيگە تاپسىرما: ءوز بەتىنشە ءار ۇلتتىڭ ورنەك تۇرلەرىنەن ورامال شەتىنە كەستەلە.