ۇلىتاۋ وبلىسى جايرەم كەنتىندەگى ۇيلەنۋ تويى كەرۋەنىنە قاتىسقان سەگىز اۆتوكولىك ايىپتۇراققا قويىلىپ، جۇرگىزۋشىلەرى جول ەرەجەسىن ورەسكەل بۇزعانى ءۇشىن جاۋاپقا تارتىلدى، دەپ infohub.kz سايتى حابارلايدى.
پوليسيانىڭ مالىمەتىنشە، الەۋمەتتىك جەلىلەردى مونيتورينگتەۋ بارىسىندا كەنتتەگى مەيرامحانالاردىڭ بىرىندە ۇيىمداستىرىلعان ۇيلەنۋ تويى كەرۋەنىنىڭ قاتىسۋشىلارى جول ەرەجەسىن ورەسكەل بۇزعانى انىقتالعان. اۆتوكولىك شەرۋىنىڭ ۇيىمداستىرۋشىسى جانە جۇرگىزۋشىلەرى ەرەجە بۇزعان سەگىز كولىك انىقتالدى.
بارلىق اۆتوكولىك ارنايى ايىپتۇراققا قامالدى. جۇرگىزۋشىلەر ۇساق بۇزاقىلىق، قاۋىپسىزدىك بەلدىگىن تاقپاۋ، قارسى جولاققا شىعۋ، كولىك قۇرالدارىن پايدالانۋ ەرەجەسىن بۇزۋ، اۆتوكولىكتى پايدالانۋ كەزىندە بەلگىلەنگەن تالاپتاردى ساقتاماۋ، سونداي-اق باسقا جول جۇرىسىنە قاتىسۋشىلارعا اپاتتىق جاعداي تۋعىزعانى ءۇشىن جاۋاپقا تارتىلدى.
«پوليسيا ازاماتتاردى جول ەرەجەسىن قاتاڭ ساقتاۋعا شاقىرادى. ۇيلەنۋ تويى كەرۋەندەرى، مەرەكەلىك شەرۋلەر جانە باسقا دا سالتاناتتى ءىس-شارالار زاڭدى بۇزۋعا جانە اينالاداعىلاردىڭ ءومىرى مەن دەنساۋلىعىنا ءقاۋىپ توندىرۋگە نەگىز بولا المايدى»، - دەدى ءتارتىپ ساقشىلارى.