2026 جىلدىڭ ءبىرىنشى توقسانىنىڭ قورىتىندىسى بويىنشا ۇلىتاۋ وبلىسىنداعى ورتاشا ايلىق جالاقى 637،3 مىڭ تەڭگەنى قۇرادى – بۇل رەسپۋبليكالىق ورتاشا كورسەتكىشتەن 43،2%-عا جوعارى، دەپ حابارلايدى infohub.kz.
ۇلتتىق ستاتيستيكا بيۋروسى 2026 جىلدىڭ ءبىرىنشى توقسانىنداعى جالدامالى جۇمىسشىلاردىڭ (كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە الا وتىرىپ) جالاقىسى تۋرالى دەرەكتەردى جاريالادى. ستاتيستيكاعا سايكەس، ۇلىتاۋ وبلىسى ورتاشا ايلىق جالاقى مولشەرى بويىنشا قازاقستان وڭىرلەرى اراسىندا ءبىرىنشى ورىندى يەلەندى.
قاڭتار-ناۋرىز ايلارىندا وڭىردەگى ورتاشا جالاقى 637،3 مىڭ تەڭگەنى قۇرادى. بۇل رەسپۋبليكالىق ورتاشا كورسەتكىش – 445،1 مىڭ تەڭگەدەن 192،3 مىڭ تەڭگەگە نەمەسە 43،2%-عا جوعارى.
اتىراۋ جانە ماڭعىستاۋ وبلىستارى جاقىن ورىنداردى يەلەندى – ولارداعى ورتاشا ايلىق جالاقى 610،1 مىڭ جانە 608،4 مىڭ تەڭگەنى قۇرادى. ودان كەيىن استانا (559،9 مىڭ تەڭگە) جانە الماتى (551،6 مىڭ تەڭگە) تۇر. وسىلايشا، ۋلىتاۋ باسقا ونەركاسىپتىك وبلىستاردى عانا ەمەس، ەلدىڭ ءىرى قالالارىن دا باسىپ وزدى.
ەڭبەككە اقى تولەۋدىڭ جوعارى دەڭگەيى كوبىنەسە ءوڭىردىڭ ونەركاسىپتىك ماماندانۋىنا بايلانىستى. ۋلىتاۋ ەكونوميكاسىنىڭ نەگىزىن تاۋ-كەن مەتاللۋرگيا كەشەنى قۇرايدى. ونىڭ كاسىپورىندارى بىلىكتى ماماندارعا سۇرانىستى قامتاماسىز ەتىپ، كوپتەگەن باسقا سالالارمەن سالىستىرعاندا جوعارى جالاقى ۇسىنادى.
ءوڭىر ەكونوميكاسى مەن جۇمىسپەن قامتۋدا «قازامىس» كومپانيالار توبى ماڭىزدى ءرول اتقارادى – بۇل وبلىستاعى ءىرى جۇمىس بەرۋشىلەردىڭ ءبىرى. توپ كاسىپورىندارى ۋلىتاۋ تۇرعىندارىن جۇمىس ورىندارىمەن قامتاماسىز ەتىپ، ءوندىرىستى دامىتىپ، قولدانىستاعى نىسانداردى جاڭعىرتۋ جوبالارىن جۇزەگە اسىرادى.