اقش پەن يران سوققىلارمەن الماستى: امەريكان اسكەرلەرى يرانشاحرداعى اۋەجايعا سوققى بەردى، ال تەگەران باحرەيندەگى جاۋ بازاسىنا شابۋىل جاسادى، دەپ حابارلايدى infohub.kz سايتى.
ربك دەرەگىنشە، اقش جويعىش ۇشاقتارى يرانداعى بىرنەشە نىسانعا، ونىڭ ىشىندە يرانشاحر قالاسىنداعى اۋەجايعا زىمىران سوققىسىن جاسادى. اۋەجاي ماڭىندا ءۇش جارىلىس بولعانى حابارلاندى.
امەريكان كۇشتەرى باندار-ابباستاعى ستانسياعا دا سوققى بەردى. ال حامير وكرۋگىندە ءۇش كوپىرگە شابۋىل جاسالدى، ونىڭ ىشىندە باندار-ابباستى فارس پروۆينسياسىنداعى لارمەن بايلانىستىراتىن كوپىر دە بار. شابۋىل كەزىندە ەكى ادام قازا تاۋىپ، تاعى تورتەۋى جارالانعانى حابارلاندى. ريا نوۆوستي مالىمەتىنشە، اقش-تىڭ يراننىڭ وڭتۇستىگىندەگى كوپىرلەرگە جاساعان شابۋىلىنان قازا تاپقاندار سانى ۇشكە جەتتى.
سونداي-اق باسىلىم يراننىڭ باحرەيندەگى امەريكان بازاسىنا سوققى بەرگەنىن جازادى. «يسلام رەسپۋبليكاسىنىڭ اسكەرى باحرەيندەگى ساحير بازاسىنداعى امەريكان ارمياسىنىڭ تىكۇشاقتارى مەن ر-8 ۇشاقتارى ورنالاسقان جەرگە Arash ۇشقىشسىز ۇشاقتارىمەن سوققى بەردى»، – دەپ مالىمدەدى مەملەكەتتىك تەلەراديوكومپانيا. ودان بولەك، اۋە دابىلى كەزىندە كاتاردا دا جارىلىستار ەستىلدى.
ەسكە سالا كەتەيىك، اقش پەن يران اراسىنداعى سوققىلار الماسۋ انكاراداعى ناتو ءسامميتى قارساڭىندا باستالدى. كەيىن اق ءۇي باسشىسى اتىستى توقتاتۋ رەجيمى اياقتالعانىن، ءبىراق ۆاشينگتون كەلىسسوز جۇرگىزۋگە كەلىسەتىنىن ايتتى. جاقىندا يران سىرتقى ىستەر ءمينيسترىنىڭ ورىنباسارى كازەم گاريبابادي دە اقش-پەن بەيبىت كەلىسىمنىڭ كۇشىن جويعانىن مالىمدەدى.