ءۇش جاسار بالالاردىڭ دامۋى

تاقىرىبى: ءۇش جاسار بالالاردىڭ دامۋى
بالالاردىڭ ءومىرىن ۇيىمداستىرۋ. كۇن ءتارتىبى
ءۇش جاسار بالانىڭ وياۋ ءجۇرۋ ۋاقىتى ۇزارادى. ولار 6 - 6، 5 ساعات وياۋ جۇرە الادى. كۇندىز بالالار 1 رەت 2 - 2، 5 ساعات ۇيىقتايدى. ءۇش جاسار بالالارمەن تاڭەرتەڭگىلىك جاتتىعۋلار وتكىزىلەدى. تاماقتاۋ، كيىنۋ، جۋىنۋ بىرتىندەپ ورىنداۋ پرينسيپتەرىمەن ورىندالادى.

دەنە دامۋى
ءۇش جاسار بالالاردىڭ بويى 93 - 94سم، سالماعى 14 - 14، 5 كگ بولادى. ورتالىق جۇيكە جۇيەسىنىڭ قىزمەتى جەتىلەدى. بۇل بالالاردىڭ جۇمىسقا قابىلەتتىلىگىمەن بايقالادى. بالالار ءىس - ارەكەتتىڭ ءبىر تۇرىمەن 20 مينۋتقا دەيىن شۇعىلدانا الادى. بالالاردىڭ قيمىل – قوزعالىسى بەلسەندى جەتىلە تۇسەدى. جۇگىرۋ، ورمەلەۋ، لاقتىرۋ سياقتى قيمىلدارى داميدى.

سويلەۋ جانە ويلاۋ
ءۇش جاستا ءتىلدىڭ ماعىنالىق مازمۇنى ودان ءارى كەڭەيە تۇسەدى. ولار ۇلكەندەردىڭ ءسوزىن جاقسى تۇسىنەدى. ءبىراق اينالاداعى ۇلكەندەردىڭ ايتقانىن ءتۇسىنۋ جەتكىلىكسىز. سوندىقتان دا بالالاردى سىرت كورىنىسىنە قاراپ اجىراتۋعا ۇيرەتۋ كەرەك. بۇل كىم؟ مىناۋ نە؟ نە ءۇشىن؟ دەگەن سۇراقتارعا تولىق جاۋاپ بەرۋدى قالىپتاستىرۋ كەرەك.

بەلسەندى ءسوز
ءۇش جاسار بالالاردىڭ بەلسەندى سوزدىك قورى 1200 - 1500 بولادى. ولاردىڭ سوزدەرىندە ەتىستىكتەر، زات ەسىمدەر كوپ قولدانىلادى. سەپتىك جالعاۋلار پايدا بولادى. سابيلەر شاعىن ولەڭدەر مەن اندەردى تەز جاتتاپ الادى. سويلەۋدىڭ دامۋىمەن قاتار بالالاردىڭ پسيحيكالىق پروسەستەرى: قابىلداۋ، زەيىن، ەس، قيالى جەتىلە تۇسەدى.

وقۋ ساعاتتارى
بالالار باقشاسىنىڭ 1 - سابيلەر توبىندا اپتاسىنا 10 ساباق وتكىزىلەدى. ولار بىلاي بولىنەدى:
- اينالامەن تانىستىرۋ، ءتىل دامىتۋ – 3 ساعات
- سۋرەت سالۋ جانە جاپسىرۋ – 2 ساعات
- قۇرىلىس ماتەريالدارىمەن – 1 ساعات
- مۋزىكا ساباقتارى – 2 ساعات
- دەنە تاربيەسى – 2 ساعات
وقۋ ساعاتتارىنىڭ ۇزاقتىعى – 10 - 15 مينۋت. وقۋ ساعاتتارىمەن قاتار اينالاسىنداعىلاردى سەرۋەن كەزىندە باقىلاۋ، قيمىلدى جانە ديداكتيكالىق ويىندار جوسپارلانادى.