ءۇشبۇرىشتىڭ اۋدانى

ساباقتىڭ تاقىرىبى: 20. 1 ءۇشبۇرىشتىڭ اۋدانى.
ساباقتىڭ ماقساتى:
بىلىمدىلىك: ءۇشبۇرىشتىڭ اۋدانىن تابۋدى ۇيرەتۋ. ءۇشبۇرىشتىڭ اۋدانىن تابۋ فورمۋلاسىمەن تانىستىرۋ جانە ەسەپتەر شىعارۋدا قولدانۋدى ۇيرەنۋ.
دامىتۋشىلىق: سىني تۇرعىدان ويلاۋ بالالاردىڭ ءوز يدەياسىن سەنىمدى تۇردە بىلدىرۋىنە، ءتۇرلى كوزقاراستارعا كوڭىل بولۋگە جانە ولاردى باعالاۋعا مۇمكىندىك بەرەدى. سالىستىرا وتىرىپ ويلاۋ قابىلەتتەرىن، ماتەماتيكالىق سويلەۋ مانەرىن دامىتۋ، پانگە دەگەن قىزىعۋشىلىقتى ارتتىرۋ. تاربيەلىك: ۇقىپتىلىققا، ءوز بەتتەرىمەن جۇمىس ىستەۋگە، جاۋاپكەرشىلىكتى سەزىنۋگە تاربيەلەۋ.
كۇتىلەتىن ناتيجە:. ءۇشبۇرىشتىڭ اۋدانىن تابۋدى ۇيرەنەدى.. ءۇشبۇرىشتىڭ اۋدانىن تابۋ فورمۋلاسىمەن تانىستىرۋ جانە ەسەپتەر شىعارۋدا قولدانۋدى ۇيرەنەدى. جاڭا تاقىرىپتىڭ مازمۇنىن ءوز بەتىمەن اشا الادى، تالداي الادى، وي قورىتۋدى ۇيرەنەدى.
ساباقتىڭ ءتۇرى: جاڭا تاقىرىپتى مەڭگەرتۋ
كورنەكىلىكتەر: وقۋلىقتان 85 - 88 بەتتەرى، ينتەرنەتتەن الىنعان اقپاراتتار. قوسىمشا پاراقشالار. سلايدتار.

I. ۇيىمداستىرۋ ءساتى: سىنىپ وقۋشىلارىن 4 - 5 توپقا فيگۋرالار ارقىلى بولەمىز. ءمۇعالىمنىڭ كىرىسپە ءسوزى. بۇگىنگى ساباقتى باستاماس بۇرىن ءبىز بۇعان دەيىن قانداي فيگۋرالاردىڭ اۋدانىن تابۋدى ۇيرەندىك؟

II. ءۇي جۇمىسىن تەكسەرۋ.
№265 رومبىنىڭ دياگونالدارىنىڭ قاتىناسى 2: 3، اۋدانى 12سم2. رومبىنىڭ دياگونالدارىن تابىڭدار.

III. جاڭا تاقىرىپتىڭ بايانى: الدىن الا ءبىز سىزدەرمەن ساباقتىڭ ماقساتىنا ساي باعالاۋ كريتەريلەرىن كەلىسىپ الايىق، ياعني پاراللەلوگرامنىڭ اۋدانىن تابۋ فورمۋلاسىن ءبىلۋى جانە ەسەپتەر شىعارا الۋى 2 - ۇپاي، جارتىلاي ورىندايتىن وقۋشىعا 1 - ۇپاي، ەسەپتى شىعارا الماعان وقۋشىعا 0 - ۇپاي - دەپ كەلىسەمىز.

ءۇشبۇرىشتىڭ اۋدانى. جۇكتەۋ