ۇستاز اتىنا ودا نەمەسە ءوزىم تۋرالى سىر...

ۇستازبىن مەن، ۇستا مىنەز، ۇستامدىلىق نەگىزى،
سابىرلىمىن، سالماقتىلىق ابىرويدىڭ ەگىزى.
تاربيەمىن، ونەگەمىن، تاتۋلىعى تامىرلاس
ادالدىقتىڭ اراشاسى، ءبىلىمنىڭ كوك تەڭىزى.
زەيىندىمىن، اقىل - ويدىڭ ارداقتىسى، اداممىن،

مەيىرىممىن، ايىرماسى جاقسى مەنەن جاماننىڭ.
ەڭبەكشىلمىن، ەرىنبەيمىن ءبىلىمىمدى شىڭداۋعا
كەلەشەكتىڭ باعدارشامى، اتتاعان ءار قادامىڭ.
تاعىلىممىن، جۇرەكتەردىڭ، تىلەكتەردىڭ تورەسى،
ەڭ اسىل ات – ءمۇعالىممىن، كەڭىستىكتەي ورەسى.
پاراساتپىن، تۇسىنىكپىن، ادال جۇرەك يەسى

جاقسىلىقپىن، ماعان قۇرمەت، مەن شىعاتىن ءتور وسى.
ءۇيىپ - توگىپ، قۇياتۇعىن بار ءبىلىمىن ساناعا،
راقىمشىلىق، رازىلىقپەن اينالاتىن داناعا.
ەرىنبەيتىن، ەلىم دەيتىن مىڭ جاساسىن ۇستازدار
گ ۇلىڭ وركەن،
ءىزىڭ كوركەم قۇرمەت ۇستاز اناعا!!!