تاقىرىبى: ۇستاز دەگەن ۇلاعاتقا باس يەمىز
ماقساتى: ۇستازداردىڭ ءقادىر – قاسيەتىن تۇسىندىرە وتىرىپ، قازىرگى زاماندا قوعام ءۇشىن ەڭبەك ەتىپ جۇرگەن ۇستازداردى تانىتۋ.
وقۋشىلاردىڭ ولەڭ شۋماقتارى ارقىلى وي - ءورىسىن كەڭەيتۋ، ويلاۋ قابىلەتىن دامىتۋ.
ۇستازدار بويىنداعى نازىك مەيىرىمدى باعالاي بىلۋگە، بەرگەن ءبىلىمىن اقتاي بىلۋگە تاربيەلەۋ.
كورنەكىلىگى: ينتەربەلسەندى تاقتا، شارلار، گۇلدەر

ءجۇرىسى.
ءى. ۇيىمداستىرۋ ءبولىمى
ءىى. قۇتتىقتاۋ سوزدەر
ءىىى. ادەبي – مۋزىكالىق مونتاج

1 - جۇرگىزۋشى:
ءار ساباعىڭ ءوتىپ جاتىر بىلىنبەي،
پەرنە باسقان وركەستردىڭ ۇنىندەي.
ءار بالانىڭ جۇرەگىنە جول تاۋىپ،
تۇراسىڭ سەن، ديريجەر بوپ ك ۇلىمدەپ.

ءار ساباققا كىرەسىڭ سەن سىيىنىپ،
جىر وقيسىڭ نوسەر بولىپ قۇيىلىپ.
قاس - قاباعىن قالت جىبەرمەي شاكىرتتىڭ،
قارايسىڭ - اۋ نۇر جۇزىنە ءسۇيسىنىپ
ءان «ۇستازىم»- حور

جۇرگىزۋشى:
سولارمەنەن اسقارلارعا شىعاسىڭ،
الەم كەزىپ عىلىم جولىن قۋاسىڭ.
ءساتتى باسقان قادامىنا ىرزا بوپ،
ءجىپسىپ ارقاڭ، تىنىستاپ كەڭ تۇراسىڭ.

جالىن اتىپ، وت بوپ، بىرگە جاناسىڭ،
ءبىلىم بەرىپ، سودان باقىت تاباسىڭ.
بار ءومىرىڭ ورنەكتەلىپ بالامەن،
جاسارىپ ءبىر، ماڭگى جاس بوپ قالاسىڭ

1 - جۇرگىزۋشى:
بۇل ومىردە تانىپ وڭ مەن سولىمدى،
مەن دە قۋدىم، ۇستاز، سەنىڭ جولىڭدى.
ءبىر كىسىدەي تەردى توكتى ەل ءۇشىن،
ىزدەۋگە دە مۇرشام بولماي جوعىمدى.

باقىت تاپتىم ۇستازدىقتىڭ باعىنان،
قانشاما ۇرپاق قاناتتاندى الدىمنان.
سومداپ سوقتىم بولاشاقتىڭ ءمۇسىنىن،
تىرشىلىكتە سول عوي ءىزىن قالدىرعان.

1 - وقۋشى:
عىلىم يەسى عالىم دا، ەل قورعاعان باتىر دا، تىلىنەن بال تامعان اقىن دا، ەگىن سالعان ديحان دا، مال باعىپ تەرىن توككەن شوپان دا، كوك كۇمبەزىنەن ءارى وتكەن عارىشكەر دە، ءبارى - ءبارى ۇستازدان ءبىلىم، ءتالىم العان، سوندىقتان، ۇلاعاتتى ۇستازدار، سىزدەرگە بۇكىل ادام بالاسى قۇرمەتپەن باس يەدى.

ۇستاز دەگەن ۇلاعاتقا باس يەمىز. جۇكتەۋ